වහාම විධායක ජනාධිපති ධුරයෙන් ඉවත්ව පාර්ලිමේන්තු බහුතරයක් දිනා ගත හැකි දූෂණ චෝදනා නොමැති පරිණත නායකයෙකුට අවස්ථාව ලබා දෙන්න ලෙස ශ්රී ලංකා පොදුජන පෙරමුණ නියෝජනය කරන ප්රතිසංස්කරණ කණ්ඩායම ජනාධිපති ගෝඨාභය රාජපක්ෂ වෙත ලිපියක් මගින් දන්වා යවා තිබේ.
එමගින් ජනතාව තුළ ගොඩනැගෙමින් ඇති ද්වේශය සමනය වී ගෞරවනීය සමු දීමක් සඳහා අවස්ථාව සැලසෙනු ඇති බවද ඔවුන් අවධාරණය කර තිබේ.
තවද මේ මොහොතේ ජනාධිපති ධුරයෙන් ඉවත් වීම හරහා රට තුළ දේශපාලන ස්ථාවරත්වය වෙත යොමු වනු ඇති බව ද මහින්ද රාජපක්ෂගේ ගෞරවය ආරක්ෂා වනු ඇති බව ද මෙම ලිපිය මගින් පෙන්වා දී තිබේ.
20220ජූලි 9 වැනි අද දින මෙම කරුණු අවධාරණය කරමින් ලිපිය යොමු කොට ඇත්තේ ශ්රී ලංකා පොදුජන පෙරමුණේ ප්රතිසංස්කරණ කණ්ඩායම විසිනි.
එම කණ්ඩායමට ඩලස් අලහප්පෙරුම චන්න ජයසුමන නාලක ගොඩහේවා චරිත හේරත් උදයන කිරි දිගොඩ කේ එස් කුමාරසිරි ලලිත් එල්ලාවල සුදත් මංජුල උපුල් ගලප්පත්ති වසන්ත යාපා බණ්ඩාර කරුණාදාස කොඩිතුවක්කු ගුණපාල රත්නසේකර අකිල සාලිය එල්ලාවල උදේ කාන්ත ගුණතිලක ඩිලාන් පෙරේරා සහ තිලක් රාජපක්ෂ යන පාර්ලිමේන්තු මන්ත්රීවරු ඇතුළත් ව සිටියහ.
