ගෝල්ෆේස් තනි නොකරමු තේමාව යටතේ දැවැන්ත උද්ඝෝෂණයක් අද (01) ලෝක කම්කරු දිනය දා ලන්ඩන් නුවර ගෝඨාගෝගම ශාඛාව අභියස පැවැත්වෙමින් තිබේ.
ජීවත් වීමේ අවසාන අභිලාෂය ද පහව ගිය පසු මහ මගට වැටී අරගල කරන ශ්රී ලාංකික දිරිමත් තරුණ ප්රජාව සහිත සමස්ථයේ ලාංකිකයන්ගේ අරගලය ශක්තිමත් කිරීම සඳහා මහා බ්රිතාන්යයේ සිටින ශ්රී ලාංකික ප්රජාව ජාති ආගම් වර්ග භේදවලින් තොරව මෙසේ අරගල බිමට බැස සිටිති.
මෙම අරගලය වෙනුවෙන්ම යුරෝපයේ විවිධ ප්රදේශවලින් ද ලන්ඩන්නුවර ගෝඨාගෝගම ශාඛාව පිහිටුවා ඇති ලන්ඩන් පාර්ලිමේන්තුව ඉදිරිපිට වෙස්මිනිස්ටර් චතුරශ්රයේ රොද බැඳගෙන සිටිති. අඩුම තරමින් තුන් දහසකට අධික විරෝධතාකරුවන් පිරිසක් අරගල භූමියට එක් වී ඇත. මෑත කාලයේ දී ශ්රී ලංකාව මුල් කරගෙන ලන්ඩන්හි පැවති දැවැන්තම උද්ඝෝ්ෂණය මෙය බව ලන්ඩන් වාසී ශ්රී ලාංකිකයෝ කියති.
අතිශය මනරම් දිවයිනක් බංකොලොත් කළ පවුලට අයත් ජනාධිපතිවරයා, අගමැතිවරයා සහිත ආණ්ඩුවම ඉවත් වී යන ලෙස බලකරමින් ඔවුන් මව්බිමෙන් මතුවන විරෝධය මෙසේ ජත්යාන්තර ප්රජාවේ අවධානයට යොමු කරමින් ඇත.
ඊයේ ඇරඹි ලන්ඩන් නුරව ගෝඨාගෝගම විරෝධය සෑම දිනයකම උදෑසන 10 සිට රාත්රී 07 දක්වා පුරා සති දෙකක් පවත්වාගෙන යෑමට දැනට සංවිධායක මණ්ඩලය තීරණය කර තිබේ.
