ලලිත් චාමින්ද –
ජනාධිපතිවරණයේ දි තමන් සහයෝගය ලබාදෙන අපේක්ෂකයාගේ මැතිවරණ ප්රචාරක කටයුතු සිදුකරණ අතර ආණ්ඩුපක්ෂයේ හා විපක්ෂයේ ඇතැම් පාර්ලිමේන්තු මන්ත්රිවරුන් ඉදිරි පාර්ලිමේන්තු මැතිවරණය ඉලක්ක කරගෙන තම මැතිවරණ ප්රචාරක කටයුතු ආරම්භ කිරීමත් සමග බරපතල අභ්යන්තර ගැටුම් ඇතිවෙමින් තිබෙන බව වාර්තා වේ.
එකම පක්ෂය තුළ පක්ෂ මාරු කළ මන්ත්රීවරුන් සහ එම පක්ෂයේම සිටි ජ්යෙෂ්ඨ මන්ත්රීවරුන් අතර මේ වනවිට වැඩි වශයෙන් තියුණු මත ගැටුම් ඇතිවෙමින් ඇත. එකම පක්ෂයේ මන්ත්රිවරුන් අතර නොයෙකුත් මත ගැටුම් ඇතිවි තිබේ. පිල්මාරු කරණු ලැබු මන්ත්රිවරුන් නිසා ඉදිරි පාර්ලිමේන්තු මැතිවරණයේ දි තමන්ට ජයග්රහණය කිරීමට අපහසු බව සිතන ප්රධාන දේශපාලන පක්ෂ නියෝජිතයින් අතර මේ වනවිට එම කැළඹිල්ල දැඩි වෙමින් ඇත.
මේ තත්ත්වය තුළ ඇතැම් දිස්ත්රික්කවල ජනාධිපතිවරණ ප්රචාරක රැළිවලදි පිල්මාරුකරනු ලැබු ඇතැම් මන්ත්රිවරුන්ට කථා ලබා නොදිමට ද එක්තරා දේශපාලන පක්ෂයක ජ්යෙෂ්ඨයින් කටයුතු කරඇති බවද පැවසේ.
ඉදිරි පාර්ලිමේන්තු මැතිවරණයේ දි පිල්මාරුකරණු ලැබු මන්ත්රිවරු සහ ප්රධාන දේශපාලන පක්ෂ නියෝජනය කරන මන්ත්රිවරු හා සංවිධායකවරු අතර මනාප ගැටුම උග්රවිය හැකි බවද දේශපාලන නිරීක්ෂකයෝ පවසති.
