මහාරාෂ්ට්ර නියෝජ්ය මහ ඇමති අජිත් පවාර් ඇතුළු පස් දෙනෙකු රැගෙන ගිය අවාසනාවන්ත ගුවන් යානය, බාරාමතී ගුවන් තොටුපළට ගොඩබැස්වීමට ගත් උත්සාහයේ දී සිදුවූ අනතුර හේතුවෙන් ගුවන් යානයේ සිටි පස් දෙනාම මිය ගිය බව ඉන්දියාවේ සිවිල් ගුවන් සේවා අධ්යක්ෂ ජනරාල්වරයා උපුටා දක්වමින් ඉන්දීය මාධ්ය වාර්තා කරයි. .
ඛේදවාචකයෙන් පසු, මහාරාෂ්ට්ර රජය දින තුනක රාජ්ය ශෝක කාලයක් ප්රකාශයට පත් කළ අතර සියලුම රජයේ වැඩසටහන් අවලංගු කර තිබේ.
මෙම අවාසනාවන්ත සිද්ධිය ගුවන් යානය මුහුණ දෙන්නේ එය බාරාමතී ගුවන්තොටුපලට ගොඩබෑම සඳහා කළ දෙවන උත්සාහයේදී කාර්මික දෝෂයකට ලක්ව ධාවන පථය මතට කඩා වැටී ඇති බව අනාවරණය වී ඇත
වසර 16ක් පැරණි එම ගුවන් යානය, මධ්යම ප්රමාණයේ ව්යාපාරික ජෙට් යානයකි. එම යානා නිෂ්පාදනය කරනු ලබන්නේ කැනඩාව පදනම් කරගත් Bombardier Aerospace ආයතනයේ ලියර්ජෙට් Learjet අංශය විසිනි.
Flightradar දත්තවලට අනුව, මෙම ‘Bombardier Learjet 45 (VT-SSK) වර්ගයේ යානය පෙරවරු 8.10 ට මුම්බායි ගුවන් තොටුපළෙන් පිටත්ව අරාබි මුහුද ඉහළින් බාරාමතී බලා පියාසර කර තිබේ.
පෙරවරු 8.30 ට පමණ එය ප්රථම වරට ගොඩබැස්වීමට උත්සාහ කළද එය අසාර්ථක වී ඇත. අදාළ ගුවන් සමාගම වන VSR Ventures පවසන පරිදි, පවතින අයහපත් දෘශ්යතාව (poor visibility) මීට හේතු වන්නට ඇත.
උදෑසන 8.42ට පමණ ගොඩබෑම සඳහා සිය දෙවන උත්සාහය සිදු කර තිබේ. කෙසේ වෙතත්, උදෑසන 8.45ට පමණ එය රේඩාර් තිරයෙන් අතුරුදහන් වී ඇත. ඒ වන විටත් මෙම කණගාටුදායක පුවත ප්රවෘත්ති නාලිකාවල ප්රචාරය වෙමින් තිබුණි.
මෙම ජෙට් යානය බාරාමතී (Baramati) ගුවන් තොටුපළේ අංක 11 දරන ධාවන පථයේ ආරම්භක සීමාව (threshold) ආසන්නයේදී ගිනි ජාලාවක් බවට පත්වෙමින් කඩා වැටී තිබේ. පොළොවේ ගැටී සුළු මොහොතකින් යානය පිපිරී ගිය බව ඇසින් දුටු සාක්ෂිකරුවන් සඳහන් කළහ.
මෙම බිහිසුණු අනතුර සම්බන්ධයෙන් ANI පුවත් සේවය වෙත අදහස් දැක්වූ ඇසින් දුටු සාක්ෂිකරුවෙකු පැවසුවේ, ‘යානය ධාවන පථය දෙසට පියාසර කරමින් තිබූ අතර, ධාවන පථයට ළඟා වීමට අඩි 100ක් පමණ තිබියදී එය එක්වරම බිමට කඩා වැටුණා,’ යනුවෙනි.”
