සූරියවැව – නුවන් ජයසේකර –
කලක සිට ගුද මාර්ගයේ සඟවා අධිවේගී බස් රථ ඔස්සේ කොළඹ සිට වැල්ලවායට අයිස් මත්ද්රව්ය ප්රවාහනය කිරීමේ ජාවාරමක නිරතවූ සැකකරුවන් සිව් දෙනකු තණමල්විල මුලස්ථාන පොලිසියේ නිලධාරින් කණ්ඩායමන් විසින් ඊයේ (30) අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ වැල්ලවාය ඇතිලිවැව ප්රදේශයේ පදිංචි අවුරුදු 20ත් 30ත් අතර වයසේ පසුවන තරුණයන් සිව් දෙනෙකි.
සැකකරුවන් සම්බන්ධයෙන් තණමල්විල මූලස්ථාන පොලිස් පරීක්ෂකවරයාට ලද පුද්ගලික තොරතුරකට අනුව කොළඹ සිට අධිවේගී මාර්ගය ඔස්සේ අම්පාර බලා පැමිණි බස් රථයක් තණමල්විලදී නවතා විශේෂ පරීක්ෂාවකට ලක් කර තිබේ. එහිදී බස් රථයේ සිටි සැකකරුවන් දෙදෙනෙකු අත්අඩංගුවට ගෙන පරීක්ෂා කිරීමේදී ඔවුන් සන්තකයේ ගුදයේ සගවාගෙන සිටි අයිස් මත්ද්රව්ය ග්රෑම් 12යි මිලි ග්රෑම් 300ක් සොයා ගැනීමට සමත්ව තිබේ.
එහිදී ඔවුන් සමග පැමිණි තවත් තරුණයනක් දෙදෙනෙකු බස් රථයෙන් බැස යාමට උත්සාහ කිරීමේදී ඔවුන් දෙදෙනාද පොලිස් අත්අඩංගුවට ගෙන පරීක්ෂා කර තිබේ. එහිදී ඔවුන් දෙදෙනා සන්තකයේ කිසිවක් තිබී පොලිසියට සොයා ගැනීමට නොහැකි වි ඇති අතර දෙදෙනාගේ සැකකටයුතු හැසිරීම නිසාත්, අයිස් සමග අත් අඩංගුවට පත් සැකකරුවන් දෙදෙනා සමගම මෙම තරුණයන් දෙදෙනාද පැමිණි තිබූ නිසාත් තණමල්විල පොලිසියේ නිළධාරීන් විසින් එම සැකකටයුතු තරුණයන් දෙදෙනා මොණරාගල අධිකරණ වෛද්ය වරයා හමුවට ඉදිරිපත් කර පරීක්ෂාවට ලක් කර ඇත.
එහිදී ඔවුන් දෙදෙනාද ගුදයේ ඉතා අවධානම් සහගත ලෙස සගවාගෙන රැගෙනමින් තිබු තවත් අයිස් මත් ද්රව්ය ග්රෑම් 17යි මිලිග්රෑම් 200ක් සොයා ගැනීමට හැකි වී ඇත.ඒ අනුව සාකකරුවන් සිව් දෙනාගෙනි සිදුකල මුලික ප්රශ්ණ කිරීමේදී අනාවරණය වී ඇත්තේ සැකකරුවන් කලක සිට මෙලෙස අධිවේගී බස් රථය ඔස්සේ කොළඹ සිට වැල්ලවාය හා අවට ප්රදේශ වලට මෙලෙස අයිස් මත් ද්රව්ය හා හොරොයින් ප්රවාහනය කර බෙදා හරි බවය.
සැකකරුවන්ට මිට පෙරද මෙවැනි චෝදනා පවතින බවද මුලික පොලිස් පරික්ෂණ වලදී අනාවරණය වි තිබේ. සැකකරුවන් සිව් දෙනා වැල්ලවාය මහේස්ත්රාත් අධිකරණයට ඉදිරිපත් කිරීමට නියමිත අතර සිද්ධිය සම්බන්ධයෙන් තණමල්විල මූලස්ථාන පොලිස් පරීක්ෂක d.m.p. බණ්ඩාර ගේ උපදෙස් පරිදි වැඩිදුර විමර්ශන පවත්වයි.
