වහාම ක්රියාත්මකවන පරිදි රාජ්ය ඇමාත්යවරු 05 දෙනෙක් ඔවුන් දැරූ ධූරවලින් ඉවත් කිරීමට ජනාධිපති රනිල් වික්රමසිංහ පියවර ගෙන තිබේ. ජනාධිපති මාධ්ය අංශය සඳහන් කළේ ගීතා කුමාරසිංහ ඇතුළු රාජ්ය අමාත්යවරු පස් දෙනෙක් එළෙස සිය ධූරවලින් ඉවත් කර ඇති බවය.
ආණ්ඩුක්රම ව්යවස්ථාවේ 47.3 (අ) වගන්තිය ප්රකාරව ජනාධිපතිවරයාට පැවරී ඇති බලතල අනුව මෙම ඉවත් කිරීම් සිදුකර තිබේ.
ඒ අනුව කාන්තා හා ළමා කටයුතු රාජ්ය අමාත්යවරිය ලෙස කටයුතු කළ ගීතා කුමාරසිංහ, වාරිමාර්ග හා ජල සම්පාදන රාජ්ය ඇමතිවරයා ලෙස කටයුතු කළ ශෂීන්ද්ර රාජපක්ෂ, නාගරික සංවර්ධන හා නිවාස රාජ්ය අමාත්යවරයා ලෙස කටයුතු කළ තේනුක විදානගමගේ, කුඩා හා මධ්යපරිමාන ව්යවසාය රාජ්ය අමාත්යවරයා ලෙස කටයුතු කළ ප්රසන්න රණවීර සහ විදුලි බල හා බලශක්ති රාජ්ය අමාත්යවරයා ලෙස කටයුතු කළ ඩී.වී.චානක යන රාජ්ය අමාත්යවරුන් වහාම ක්රියාත්මකවන පරිදි ඉවත් කර තිබේ.
