ශ්රී ලංකාවේ වෙළඳපොළට 80% වඩා ගෑස් සපයන ලිට්රෝ සමාගමට තම සිලින්ඩරවල ගෑස් කාන්දු හඳුනාගැනීම සඳහා නිසි වැඩපිළිවෙලක් නොමැති බව අනාවරණය වේ.
ගෑස් පිපිරීම් පිළිබඳ විමර්ශනය කිරීම සඳහා ජනාධිපතිවරයා විසින් පත් කරන ලද විශේෂඥ කමිටුවේ සාමාජික සුජීව මහගම මහතා අද මාධ්ය හමුවකට සහභාගී වෙමින් සඳහන් කළේ ලිට්රෝ සමාගමට එහි සිලින්ඩරවල කාන්දුවීම් සහ අඩුපාඩු හඳුනාගැනීම සඳහා පිළිගත් තත්ව පාලන සහ තත්ව ආරක්ෂණ ක්රමවේද නොමැති බව විශේෂඥ කමිටුව එම සමාගමේ ක්රියාපිළිවෙත් නිරීක්ෂණය කිරීමේදී හඳුනාගත් බව ය.
එහිදී වැඩිදුරටත් අදහස් දක්වමින් මහගම මහතා සඳහන් කළේ ලාෆ්ස් ගෑස් සමාගමට ISO ජාත්යන්තර ක්රමවේදයට තත්ව පරීක්ෂණ ක්රමවේදයක් පැවතියද ලිට්රෝ සමාගම සමාගමට ඉතා දුර්වල ක්රමවේදයක් පවතින බවය.
“අපි ගෑස් නිෂ්පාදන කර්මාන්ත ශාලා පරීක්ෂාවකට ලක් කළා. එහිදී ලාෆ් ගෑස් සමාගම තම තත්ත්ව පාලන ක්රම වේදය ISO9000 කාණ්ඩය යටතේ නියමිත ප්රමිතියට අනුකූලව සිදු කළා. නමුත් ලිට්රෝ සමාගම තත්ත්ව පාලනය සම්බන්ධයෙන් ඔවුන්ගේ කර්මාන්ත ශාලාව තුළ කර්මාන්තශාලාව තුල සිදු කරගෙන යන ක්රියා පිළිවෙත පිළිබඳ අපට සතුටු වෙන්න බැහැ. ඒකට හේතුව අපි ඔවුන්ගේ කර්මාන්ත ශාලාව තුළදීම දැක්කා ඔවුන්ගේ තත්ව පාලන කටයුතුවලට අවශ්ය මූලික උපකරණවත් උපාංගවත් ඔවුන් සතුව නැහැ. ඒ නිසා තමයි අපේ මහාචාර්යතුමා අපේ කමිටුවේ සභාපතිතුමා විශේෂ නිර්දේශයක් දුන්නේ මේ ගෑස් කාන්දු වීම් සහ සිලින්ඩර්වල ගුණාත්මකභාවය තත්ව පාලනය තත්ව ආරක්ෂණයට ලක් කිරීමට අවශ්ය උපකරණ එම කර්මාන්ත ශාලාව සතුව තිබිය යුතුයි කියලා. තත්ව පාලනය සහ තත්ත්ව පරීක්ෂණය කියන්නේ ගෑස් සිලින්ඩරවල ගුණාත්මකභාවය, ගෑස් වෑල්ව නිසියාකාරයෙන් තිබෙනවාද?, ගෑස්වල පීඩනය සුදුසු මට්ටමක තිබෙනවාද? නියමිත කාලවලදී ඒවා මාරු කිරීම් අලුත්වැඩියා කිරීම් ආදිය සෙවීම සඳහා නිසි ප්රමිතියක් තිබිය යුතුයි කියලා.” කියයි ද ඔහු තවදුරටත් පැවසීය.
