ගාල්ල වරාය ගාල්ල පොලීසිය හා තැපැල් කාර්යාලය පිහිටි ඉඩම තිස් තුන් අවුරුදු බදු පදනම යටතේ පැවරීම ඇතුළු ගාල්ලේ රාජ්ය දේපල විකිණීමට විරෝධය දක්වන විරෝධතාවයක් අද පස්වරුවේ (14) ගාල්ල බස් නැවතුම් පොල ඉදිරිපිට දී පැවැත්විණි.
ජනතා විමුක්ති පෙරමුණ විසින් මෙම විරෝධතාවය සංවිධානය කොට තිබුණි. ජාතික දේපල විකිණීමට එරෙහිව විරෝධතා වැකි ලියූ සටන්පාඨ සහිත පුවරු ප්රදර්ශනය කරමින් විරෝධතා කරවෝ විරෝධතාවයේ නිරතව සිටියහ .
ගිංතොට තුනි ලැලි සංස්ථාව, ගාල්ල හිල්ටොප් මන්දිරය වලහන් දූව වත්ත,
බද්දෙගම පිලගොඩ වතු යාය, රාජ්ය දේපොළ බේරා ගැනීම සඳහා එක් වන ලෙස මෙහිදී විරෝධතා කරුවන් ජනතාවගෙන් ඉල්ලා සිටියේ ය .
මෙම විරෝධතාවය සඳහා දකුණු පළාත් සභාවේ ජවිපෙ හිටපු පළාත් සභා මන්ත්රී නලින් හේවගේ, රත්න ගමගේ ඇතුළු පිරිසක් එක්ව සිටියහ .
.
