තම ආරක්ෂක අංශ වල හැකියාවන් වර්ධනය කිරීමත් නූතන ගෝලීය තර්ජනයන්ට සාර්ථකව මුහුණ දීමත් අපෙක්ෂා කරමින් ඉන්දියාව සහ ඉන්දුනීසියාව සිය හමුදා විශේෂ බලකා සෙබලුන් එක්ව විශේෂ පුහුණු වීමේ වැඩසටහනක් පසුගියදා පැවැත්විණි.
මෙම පුහුණු වැඩසටහන් ගරුඩා ශක්ති ලෙස නම්කර තිබූ අතර එය ඉකුත් නොවැම්බර් 21 වැනිදා ආරම්භ විය. මෙහිදී දෙරටේම ආරක්ෂක අංශ සමාජිකයින් විශේෂ වනගත සටන් පුහුණුවකට එක්වූ අතර එහිදී වනගත ප්රදේශ වලදී හදුනාගත් ඉලක්ක සාර්ථකව විනාශ කිරීමේ නව උපක්රම රැසක්ද අත්හදහා බැලීම සිදුවිය.
වනගත පුහුණවීම් වලට අමතරව කුඩා ගොඩනැගිලි තුල සහ ජනයා ගැවසෙන නගර වලදී සිය ඉලක්ක නිසි ලෙස හඳුනා ගනිමින් සාර්ථව එම ඉලක්ක නිෂ්ක්රිය කිරීමේ පුහුණු වැඩසටහන් රැසක්ද ඊට ඇතුලත්ව තිබිණි.
ඉන්දියාව සහ ඉන්දුනීසියාව විසින් ඇතිකරගත් එකඟතාවයකට අනුව දෙරටේම විශේෂ බලකා සෙබලුන් මෙම පුහුණුවට එක්වන අතර එමගින් කලාපීය ආරක්ෂක තත්ත්වය වර්ධණය කිරීමටත් එල්ලවිය හැකි අභියෝග පෙර සිටම හඳුනාගෙන නිෂ්ක්රීය කිරීමට මෙහි අරමුණ වී තිබේ.
මෙම පුහුණුව සම්බන්ධයෙන් ඉන්දීය ආරක්ෂක අමාත්යංශය සඳහන් කර සිටියේ පුහුණව දෙරට අතර පවතින සම්බන්ධතා වර්ධනය කරගැනීමටත් ආරක්ෂක අංශ එකිනෙකා හදුනා ගැනීමටත් ශක්තිමත් කරගැනීමටත් ඉතා වැදගත් වනු ඇති බවයි.
