කීර්ති ප්රනාන්දු –
මේ වන විට ඇදහැලෙමින් පවතින තද වැසි හේතුවෙන් ගංගා රැසක් පිටාර ගැලීමේ අවදානමකට ලක් වෙමින් පවතින බව ආපදා කළමනාකරණ මධ්යස්ථානය පවසයි .
එම මධ්යස්ථානය පවසන්නේ කළුගඟේ ජල මට්ටම මගුරු ගඟ ප්රදේශයෙන්, සහ කළු වැල්ලෑව , මිල්ල කන්ද යන ප්රදේශ වලින් සුළු ගංවතුර මට්ටමකට ළඟා වෙමින් පවතින බවයි .
එසේම ගිං ගඟේ ජල මට්ටම බද්දේගම සහ තවලම ප්රදේශයෙන්ද වැඩිවෙමින් පවතින බවත් නිල්වලා ගඟේ පානදුරම් ප්රදේශයෙන් ජල මට්ටම සීඝ්රයෙන් වැඩි වෙමින් පවතින අතර අත්තනගළු ඔයේ ජල මට්ටම මූනමලේ ආසන්නයෙන් වැඩිවෙමින් පැවතීම නිසා එම ප්රදේශයන්හි ජනතාවට දැඩි අවධානයෙන් සිටින ලෙස ආපදා කළමනාකරණ මධ්යස්ථානය මගින් දැනුම් දී සිටී .
මේ අතර පවතින නායයෑමේ සහ ගංවතුර අවදානම සැලකිල්ලට ගනිමින්
නාවික හමුදාව ඇතුළු ත්රිවිධ හමුදාවේ මුදවා ගැනීමේ කණ්ඩායම් අවශ්ය උපකරණ ද සහිතව ස්ථානගත කිරීම් සිදුකර ඇති බවද ආපදා කළමනාකරණ මධ්යස්ථානය පවසයි .
එසේම මේ වන විට දැදුරු ඔය ජලාශයේ වාන් දොරටු දෙකක් විවෘත කර ඇති බවත් එම වාරි කලාප වල ජනතාව මේ ගැන අවධානයෙන් සිටින ලෙසත් නායයෑමේ අවදානම පවතින ප්රදේශවල ජීවත්වන මහජනතාව ඒ පිළිබඳව දැඩි සැලකිල්ලෙන් සිටින ලෙසත් ආපදා කළමනාකරණ මධ්යස්ථානය ජනතාවගෙන් ඉල්ලා සිටී .
