ත්රීකුණාමලය කින්නියා කුරිඤ්ඤන්කේනි කලපුවේදී පෙරළී ගිය පාලම් පාරුවේ ගමන් ගත් තවත් දැරියක් මිය ගොස් තිබේ. පාලම්පාරු ඛේදවාචකයේ 07වන බිල්ල ලෙස ඇය මිය යන්නේ ඊයේ රාත්රියේ දී ය.
මියගොස් තිබුණේ අනතුරින් බරපතල තත්වයේ සිට ත්රීකුණාමලය රෝහලේ දැඩි සත්කාර ඒකකයට ඇතුළත් කර 06 හැවිරිදි දැරියකි. ඇය අනතුර සිදුවූ පසුගිය 23 සිට ඊයේ දක්වා දින 05ක් දැඩි සත්කාර ඒකකයේ ප්රතිකාර ගනිමින් සිටියාය.
මේ වනවිට අනතුරින් පාසල් දැරියන් 04 දෙනෙක් මිය ගොස් තිබේ. අනතුර සිදුවන අවස්ථාවේ දී පාසල් ළමුන් ඇතුළු 25 දෙනෙකුට අධික පිරිසක් එහි ගමන් කරමින් සිට බව පොලිසිය සඳහන් කළේය. අනතුරින් එදාම මිය ගිය පිරිස අතර දැරියන් තිදෙනෙක්, වයස අවරුදු 03ක දරුවෙක් ගුරුවරියක් සහ වියපත් පුද්ගලයෙක් වූයේය.
දියේ ගිලී අනතුරට ලක්වූ තවත් පුද්ගලයින් 20 දෙනෙකු ප්රතිකාර සඳහා කින්නියා රෝහල්වලට ඇතුළත් කළ අතර, කිලිනොච්චි සහ ත්රිකුණාමලය රෝහල්වල දැඩි සත්කාර ඒකකවලට දෙදෙනෙක් ඇතුළත් කර තිබිණි. ඊයේ මිය ගියේ ත්රීකුණාමලය දැඩි සත්කාර ඒකකයේ ප්රතිකාර ගනිමින් සිටි ළදැරිය ය.
