ලලිත් චාමින්ද –
මත්පැන් හා රා නිෂ්පාදන ආයතන සහ ස්කාගාරවලින් හිඟ බදු හා ප්රමාද ගාස්තු ලෙස රුපියල් හරාසිය පනස් පන් කෝටි හයලක්ෂ හැත්තෑ තුන් දහස් හාරසිය අසු තුනක මුදලක් (4,550,673,483) සුරාබදු දෙපාර්තමේන්තුවට අයවීමට ඇති බැව් ජාතික විගණන කාර්යාලය පවසයි.
2021 වර්ෂයේ අවසාන දිනට මෙම හිඟ බදු හා ප්රමාද ගාස්තු අයවිමට ඇත.
මත්පැන් නිෂ්පාදන ආයතන වෙතින් අයවීමට ඇති හිඟ බදු හා ප්රමාද ගාස්තු මුදල රුපියල් හාරසිය පනස්තුන් කෝටි හැත්තෑ තුන් ලක්ෂ හැට එක්දහස් අසු හතකි (4,537,361,087.).
රා නිෂ්පාදන ආයතන වෙතින් රුපියල් අට ලක්ෂ පනස් හත් දහස් එකසිය අසු හයක (851,186) මුදලක් අයවීමට ඇත.
ස්කාගාර වෙතින් අයවීමට ඇති මුදල එක්කෝටි විසිහතර ලක්ෂ පනස් පන් දහස් දෙසිය දහයකි. (12,455,210)
2020 වර්ෂය සදහා වු හිඟ බදු ආදායම සැසඳීමේ දී මෙය සියයට 14.63ක වැඩි වීමක් බව විගණනය මගින් අනාවරණය කොට ඇත.
එමෙන්ම 2021 වර්ෂයේ කොවිඩ් එන්නත් කරණය, සංචාරක ව්යාපාරිය කඩා වැටීම, නිෂ්පාදන ආයතන වසා දැමීම හේතුවෙන් රුපියල් බිලියන 27ක ආදායමක් සුරාබදු දේපාර්තමේන්තුවට අහිමිවී ගොස් තිබුණි.
