ෂේඩ්ස් සමූහ ව්යාපාරයේ හිමිකරු රොෂාන් වන්නියකගේ මරණය පිළිබඳ පශ්චාත් මරණ පරීක්ෂණ අවස්ථාවේ දී ඔහුගේ ඥාතීන් නැවත වරක් දේහය හඳුනා නොගැනීම නිසා ඔහුගේ මවගේ සහ මෙම දේහයේ ඩී.එන්.ඒ පරීක්ෂණයක් කිරීමට විමර්ශන කටයුතු කරන කොළඹ අපරාධ කොට්ඨාසය විසින් අද (06) අධිකරණයෙන් විශේෂ අවසරයක් ලබා ගත්තේය.
පොලිස් මාධ්ය ප්රකාශක නිහාල් තල්දූව පැවසුවේ හඳුනා ගැනීම තහවුරු කිරීම වෙනුවෙන් සිදුකරන ඩී.එන්.ඒ පරීක්ෂණ ප්රතිඵල ලැබෙන තුරු පශ්චාත් මරණ පරීක්ෂණ කටයුතු පවත්වාගෙන යෑමට විමරශකයින් අධිකරණයෙන් අවසර ලබා ගත් බවය.
පශ්චාත් පරීක්ෂණයේ මූලික විද්යාත්මක තොරතුරුවලින් හෙළි වී ඇත්තේ මෙම මිය ගිය පුද්ගලයාගේ හිසට මොට ආයුධයකින් ධරුණු ලෙස පහර දීමෙන් මෙම ඝාතනය සිදු වී ඇති බවයැයි ද වැඩිදුර පරීක්ෂණ වාර්තාවලින් ඒ බව තහවුරු කර ගත හැකි වනු ඇතැය ද පොලිස් මාධ්ය ප්රකාශකවරයා කීවේය.
ඝාතන සැකකරු සහ මිය ගිය පුද්ගලයා අතර යම් සමීප සම්බන්ධකමක් ඇති වී තිබෙන බව පෙනී ගොස් ඇති නමුත් එම සම්බන්ධයේ ස්වරූපය තවම නිශ්ඡිතව හෙළි වී නැති බව පැවසූ මාධ්ය ප්රකාශකවරයා මෙම ඝාතනයට මුදල් ගනුදෙනුවක් පිළිබඳ ආරවුලක් මුල් වී තිබෙන බව හෙළි වී ඇතැයි කීවේය.
ඝාතනය සිදුකිරීමෙන් පසු ව්යාපාරිකයාගේ මෝටර් රථයෙන් මෙම ඝාතන සැකකාර පුද්ගලයා ඔහුගේ බිරිය සමග ගුවන් තොටුපල වෙත පැමිණෙන අවස්ථාවේ දී වාහනයේ කාර්මික දෝෂයක් නිසා එය නැවතී ඇති බවත් අනතුරුව වාහන අලුත්වැඩි කරන ස්ථානයක් ඉදිරිපිටට වාහනය ඇද දමා රටින් පිටවිමේ අභිලාෂයෙන් කටුනායක ගුවන්තොටුපල වෙත ඔවුන් ගොස් ඇති නමුත් වීසා ප්රශ්නයක් හේතුවේන රටින් පිටවීමට නොහැකි වී කොළඹින් පලා ගොස් තිබුණ බවත් මාධය ප්රකාශකවරයා අනාවරණය කළේය.
ලද තොරතුරක් මත කඳාන පොලිසිය මගින් ඔවුන්ව අත්අඩංගුවට ගන්නේ නැවත කොළඹට පැමිණි අවස්ථාවේ දී ය.
අද දින කඩුවෙල මහේස්ත්රාත් අධිකරණය වෙත ඉදිරිපත් කළ මෙම සැකකාර තරුණ යුවල රඳවා තබාගෙන ප්රශ්න කිරීම සඳහා අධිකරණ නියෝගයක් ලබා ගෙන ඇත.
සිද්ධිය පිළිබඳ කොළඹ අපරාධ කොට්ඨාසය වැඩිදුර පරීක්ෂණ පවත්වමින් ඇත.
