අධ්යාපන පොදු සහතික පත්ර උසස් පෙළ විභාගය පැවැත්වෙන කාල සීමාව තුළ විදුලිය කප්පාදු කිරීමට එරෙහිව නියෝගයක් නිකුත් කරන ලෙස ඉල්ලා මහජන උපයෝගීතා කොමිසම විසින් ගොනු කළ පෙත්සම පවත්වාගෙන යා නොහැකි බව නීතිපතිවරයා අද අභියාචනාධිකරණයට දැනුම් දුන්නේය.
නීතිපතිවරයා අභියාචනාධිකරණයට දැනුම් දුන්නේ මහජන උපයෝගීතා කොමිසමේ සාමාජිකයන් දෙදෙනෙකු දැනට අස් වී ඇති බැවින් ඒ කොමිසම විදුලිය කප්පාදු කිරීමට එරෙහිව ගොනුකළ රිට් පෙත්සම පවත්වාගෙන යා නොහැකි බවය.
නීතිපතිවරයා වෙනුවනේ දැනුම් දීම කරනු ලැබුවේ නියෝජ්ය සොලිසිටර් ජනරාල් කණිෂ්කා ද සිල්වා විසිනි.
මෙම පෙත්සම සෝභිත රාජකරුණා සහ ධම්මික ගනේපොළ මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් හමුවේ සළකා බැලිනි.
මෙම පෙත්සම මෙම මස 8 වැනිදා සළකා බැලීමට දින නියම කෙරින.
ලංකාදීප –
