කොළඹ ජාතික රෝහලේ ප්රතිකාර ලබමින් සිටි රෝගියෙකුට පිටතින් පැමිණි පුද්ගලයෙක් පිහියෙන් ඇණ පලා යෑමේ සිද්ධියක් සමග කොළඹ ජාතික රෝහලේ ආරක්ෂාව පිලිබඳ බරපතල ගැටලුවක් මතුවී ඇතැයි වාර්තා වේ.
මරදාන ආනන්ද මාවතේ පදිංචිවී සිටි මෙම පුද්ගලයා පහර කෑමකට ලක් වී අද අලුයම රෝහල් ගත කර තිබේ. ඔහු ප්රදේශයේ සුළු අලෙවි සලක් පවත්වාගෙන යන අයෙකි.
වාර්තාවන පරිදි මෙම පුද්ගලයාට පහර දී ඇත්තේත් රෝහලට පැමිණ පිහියෙන් ඇණ ඇත්තේත් මත්ද්රව්යවලට ඇබ්බැහි වූ අයෙකි. සිද්ධියට මුල කප්පම් ඉල්ලීමකි. පහර කෑ තැනැත්තාගේ ව්යාපාරික ස්ථානයට ඊයේ රාත්රියේ පැමිණි මැරයා ඔහුගෙන් රුපියල් දහසක කප්පමක් ඉල්ලා තිබේ.
එය ලබා දීම ප්රතිෂේප කළ විට කළ පහර දීම නිසා ලද තුවාල මත මෙම පුද්ගලයා ජාතික රෝහලට ඇතුළත් කර තිබේ.
එසේ තිබිය දී අද උදෑසන රෝගීන් බැලීමට පැමිණෙන මුවාවෙන් මෙම තුවාලකරු බැලීමට පැමිණ ඇති සැකකරු රෝහල් වාට්ටුව තුළ දී යළිත් ඔහුට පිහියෙන් ඇන ඇත.
පිහි පහර වැදී රෝගියා කෑ ගසන විට පලාගොස් ඇති මෙම සැකකරු තවම අත්අඩංගුවට ගෙන නැත.
පිහි පහර වැදී ඇත්තේ අතට බවත් තුවාලකරු බරපතල තත්වයෙන් පසු නොවන පොලිසිය පැවසුවත් කොළඹ ජාතික රෝහලේ ආරක්ෂාව පිළිබඳ බරපතල ප්රශ්නකිරීමක් සිදු වී ඇතැයි රෝහල් ආරංචි මාර්ග හෙළි කරයි.
