බ්රිතාන්ය පුරවැසිභාවය ඇති කිලිනොච්චියේ පදිංචි 43 හැවිරිදි පුද්ගලයෙකු 2009 වසරේ ඔහුට පැනවූ සංචාරක තහනමක් හේතුවෙන් බණ්ඩාරනායක ජාත්යන්තර ගුවන්තොටුපලේදී අත්අඩංගුවට ගෙන ඇත.
2009 දී රට හැර ගොස් බ්රිතාන්ය පුරවැසිභාවය ලබා ඇති මෙම පුද්ගලයා එක්සත් රාජධානියේ සිට ත්රස්තවාදී කණ්ඩායමක් සඳහා අරමුදල් රැස් කිරීම සම්බන්ධයෙන් චෝදනා ලැබ සිටී. ඔහු නැවත ශ්රී ලංකාවට පැමිණ කොළඹ සහ වන්නි ප්රදේශවල පුද්ගලයන්ට එම මුදල් බෙදා දී ඇති බව හෙළිදරවු වී තිබේ.
පොලිසිය පවසන පරිදි 2009 වසරේ සැකකරුගේ ක්රියාකාරකම් සම්බන්ධයෙන් කොළඹ (උතුර) අපරාධ කොට්ඨාශසය කොළඹ මහේස්ත්රාත් අධිකරණයට වාර්තා කර විදේශ ගමන් තහනම ලබාගෙන ඇත.
සැකකරු ඊයේ (30) කටුනායක ගුවන් තොටුපළට පැමිණි අතර ගුවන් තොටුපළ පොලිසියට දැනුම් දීමෙන් අනතුරුව ආගමන විගමන නිලධාරීන් විසින් සැකකරු රඳවාගෙන තිබේ.
ගුවන්තොටුපල පොලිසිය සහ කොළඹ (උතුර) අපරාධ කොට්ඨාශය වැඩිදුර පරීක්ෂණ පවත්වයි.
