මනම්පිටිය නිමල් ජයරත්න –
කොක්කඩිචෝලේ තාන්දිමලේ වැව මැද ඔරුවක් පෙරළීයෑම නිසා තරුණ ගුරුවරයෙක් සහ පිරිමි දරුවන් තිදෙනෙක් දියේ ගිලී මියගොස් තිබේ.
අද සවස 3.30ට පමණ මෙම අනතුරු සිදුවී තිබිණි. පුරා පැයක් තිස්සේ කළ සෙවීම්වලින් අනතුරුව කොක්අඩිචෝලේ පොලිසිය සහ ප්රදේශවාසීන් විසින් මිය ගිය සිවු දෙනාගේ සිරුරු සොයා ගෙන ඇත.
අනතුරුන් මිය ගිය තරුණ ගුරුවරයා අමිබලන්තුරේ කලුමුන්දාවෙිලිහි පදිංචි ගෙෂ්වරන් කිවේදන් (27) ය.
මිය ගිය සිසුන් තිදෙනා වන්නේ කලුමුන්දාවෙිලි අම්බලන්තුරේ පදිංචිකරුවන්වන දයාබරන් කිරීතු (16) සත්යසිලන් දනේෂන් (16), විරසිංහමි නිවුෂන් (16) ය.
අප කළ විමසීමක දී කොක්කඩිචෝලේ පොලිස් ස්ථානාධිපති පොලිස් පරීක්ෂක ඒ.එම්.එම්.සී,ටි.අබේරත්න සඳහන් කළේ
මෙලෙස මියගොස් ඇත්තේ වෙල්ලාවෙලි පොලිස් බල ප්රදේශයේ කලුන්දාවෙලි ගම්මානයෙ සිසුන් තිදෙනෙකු බවත්. ඔවුන් පෞද්ගලික පන්ති නිමවීමෙන් අනතුරුව එම ගුරුවරයා සහ තවත් පෞද්ගලික පන්ති කරන ගුරුවරු දෙදෙනෙකු, ගැහැණු ළමයි හත්දෙනකු සමග මෙම වැව අසලට පැමිණ ඇති බවය.
මෙහිදී සිසුන් තිදෙනෙකු ඔරුවට නැඟ විනෝදයට ඔරු පැද ඇති අතර එහිදී ඔරුව පෙරලීමත් සමඟ අදාළ ගුරුවරයාද එම සිසුන් බේරාගැනීමට වැවට පැන තිබේ. එහිදී සිසුන් තිදෙනා සහ ගුරුවරයා වැවේ ගිලිමෙන් මියගොස් ඇති බව කොක්කඩිචෝලේ පොලිසිය සඳහන් කරයි.
මෙම සිසුන් සමඟ පැමිණි පෞද්ගලික ගුරුවරුන් දෙදෙනා සහ තවත් ගැහැණු ළමුන් හත්දෙනදෙනකු දහවල් මෙම ස්ථානයේ උයා පිහාගෙන ආහාර ගෙන ඇති බවද පොලිස් පරීක්ෂණවලින් අනාවරණය වී ඇත.
මෙම අනතුර සම්බන්ධව කොක්කඩිචෝලේ පොලිස් ස්ථානාධිපති පොලිස් පරීක්ෂක.ඒ.එම්.එම්.සී,ටි.අබේරත්
