දිනසේන රතුගමගේ –
කිළිනොච්චියට අඛන්ඩව දින තුනක් තිස්සේ ඇද ඇලෙන ධාරානිපාත වර්ෂාව හේතුවෙන් එම පළාතේ නිවාස මංමාවත් රැසක් අද ( 28 ) උදෑසන වන විට ජලයෙන් යට වී තිබේ.
නිවාස ජලයෙන් යටවීම නිසා කිළිනොච්චියේ පවුල් 458 කට අයත් පුද්ගලයින් එක්දහස් හාරසීයකට පමණ උන් හිටි තැන අහිමි වී තිබේ.
නිවාස ජලයෙන් යටවීම නිසා ඒවායෙහි සිටි වැසියන් තාවකාලිකව ආරක්ෂිත ස්ථාන කරා යොමු කොට තිබේ.
අවතැන් වූ පිරිසට කිළිනොච්චිය දිසාපති කාර්යාලයේ හා ආපදා කළමනාකරණ මධ්යස්ථානයේ මැදිහත්වීම මත සහන සැලසීමේ කටයුතු ආරම්භ කොට තිබේ.
අධික වර්ෂාව නිසා එකතු වූ ජලය කිළිනොච්චිය නගරයේ කාණු වලින් නිසි ලෙස බැහැර නොවීම නිසා එම ජලය පිටාර ගලා ගම්බද පළාත් දක්වාම ගමන් කිරීම නිසා නිවාස රැසක් ජලයෙන් යට වී තිබේ.
