කැනඩා බලධාරීන් විසින් එරට මහජන උපයෝගීතා සේවා සැපයීමේ ආයතනයක සේවය කළ චීන ජාතිකයෙකු ඔත්තු බැලීමේ චෝදනා මත අත් අඩංගුවට ගෙන ඇත.
මෙලෙස අත් අඩංගුවට ගත් චීන ජාතිකයා විසින් අදාල ආයතනයේ වෙළෙද රහස් රැසක් සොරාගෙන ඇති බවද කැනඩා බලධාරීන් අනාවරණය කරයි. මෙම සැකකාර චීන ජාතිකයා යුෂෙන් යැන්ග් නැමති 35 හැවරිදි පුද්ගලයෙකු බවට හදුනාගෙන තිබේ.
එම තැනැත්තා බැටරි සම්බන්ධයෙන් අදාල සමාගමේ සේවය කර ඇති බවද කැනඩා බලධාරීන් සඳහන් කරයි. අදලා තැනැත්තා සිය නිවසේ සිටියදී බලධාරීන් විසින් ඔහුව අත් අඩංගුවට ගෙන ඇති බවද වාර්තාවේ.
අත් අඩංගුවට පත් සැකකාර චීන ජාතිකයා කාලයක පටන් අදාල ආයාතනයේ සේවය කර ඇති අතර එහිදී ඔහු විසින් සමාගමේ පරිගණක පද්ධතියට රහසිගතව ඇතුලුවී එහි තොරතුරු සොරාගැනීමේ නිතරව සිට ඇත.
එහිදී අදාල සමාගම විසින් නිපදවන විද්යුත් මොටර් රථ වලට අදාල බැටරි සම්බන්ධයෙන් වූ තොරතුරු මෙම චීන ජාතිකයා සොරගෙන ඇති බවට සැකකරයි.
චීනය විසින් ලොව විද්යූත් මොටර් රථ සඳහා යොදාගන්නා බැටරි සඳහා වැඩිම අමුදූව්ය සපයනු ලබන්නා වන අතර පසුගිය කාලයේදී කැනඩාව විසින් එරට තුල අදාල බැටරි නිෂ්පාදනය කිරීමට තීරණය ගැනීමත් සමඟ චීනයට දැඩි බලපෑමක් එල්ලවිය.
කැඩාව විසින් මෙම තීරණය ගනු ලැබුවේ එරට අභ්යන්තර ආරක්ෂාව තහවුරු කිරීමේ අරමුණින් වන අතර මෙහිදී චීනය මත යැපීම අවම කිරීමටත කැනඩාව තීරණය කරනු ලැබීය.
