කැනඩාවේ ආදිවාසී දරුවන් සඳහා ඉදිකර තිබූ පැරණි පාසල් ගොනැගිල්ලක කළ කැනීමකදී ළමුනු 215 දෙනෙකුගේ මලසිරුරු සොයාගැනීමට හැකිව තිබේ.
මේ අතර වයස අවුරු 3ක් පමණවූ දරුවන්ගේ මලසිරුරුද සොයා ගැනීමට හැකිව ඇති බව රොයිටර් පුවත් සේවය වාර්තා කරයි.
මෙම දරුවන් කැනඩාවේ බි්රටිෂ් කොලොම්බියා හී කැම්ලූප්ස් ඉන්දායානු ආගමික පාසලේ අධ්යාපනය ලබා ඇති පරිසක් බවට අනාවරණය වී තිබේ. මෙම ආගමික පාසල 1978 වර්ෂයේදී වසා දමා ඇත.
භූමියෙ යට තිබෙන දෑ සොයාගෑනීමට යොදාගන්න උපකරණ යොදාගනීමින් මෙම අස්ථි කොටස් සොයා ගැනීමට හැකිව තිබේ.
එකල කැඩාවේ පැවති ආගමික පාසල් බොහොමයක් අදිවාසී දරුවන්ට යුරෝපා සංස්කෘතිය ඉගැන්වීමේ අරමුණින් ඉදිව තිබිණි. මෙහිදී ආදිවාසී දරුවන් බලහත්කාරයෙන් දෙමාපියන්ගෙන් වෙන්කර මෙම පාසල්වලදී අධ්යාපනය ලබාදීම සිදුව ඇත.
මෙම පාසල් ක්රමය සංස්කෘතික සංහාරයක් බවට කැනඩාවේ සත්ය සේවීමේ කොමිසම විසින් 2015දී ඉදිරිපත් කළ වාර්තාවෙන් පෙන්වා දී තිබෙනවා. මෙම පාසල් ක්රමයේ 1874 සිට 1996 දක්වා කැඩනඩාවේ ක්රියාත්මක විය.
එම වාර්තාවට අනුව අදිවාසී දරුවන් 150,000ක් පමණ විවිධ වදහිංසා වලට ලක්ව ඇත. ඉන් බහුතරයක් ලිංගික අපයෝජනයන්ට, ශරීරික වදබන්දනයන්ට වගේම මන්ද පෝෂණයට ලක්ව ඇත.
මෙම පාසල්වල අධ්යාපනය ලැබූ දරුවන් 4100 පමණ මරණයට පත්ව ඇති බවද එම වාර්තාව මගින් පෙන්වා දී තිබේ. කෙසේ වෙතත් මෙම දරුවන් 215දෙනාගේ මරණයන් මෙම වාර්තාවට ඇතුලත්ව නොමැති.
මේ සම්බන්ධයෙන් කැනඩාවේ අග්රාමත්ය ජස්ටින් ටෲඩෝ ට්විටර් පණිවුඩයක් මාර්ගයෙන් සිය කණගාටුව පළකර තිබේ. 2009 වර්ෂයේදී කැනඩා රජය මෙම ආගමික පාසල් පද්ධිතය සම්බන්ධයෙන් ප්රසිද්ධියේ සමාවද ඉල්ලා තිබේ.
