අගරදගුරු මැල්කම් කාදිනල් රන්ජිත් හිමියන් දැඩි විවේචනයට ලක් කරමින් එතුමාට එරෙහිව පුලුල් ව්යාපාරයක් රැගෙන යෑමට ශ්රී ලංකා නිදහස් පක්ෂය තීරණය කර ඇතැයි ඉතා විශ්වාස කටයුතු ආරංචි මාර්ග ඔසසේ ලංකාසරට වාර්තා වේ.
මෙහි මුල් පියවර පසුගිය දා කොළඹ දී පැවති ශ්රී ලංකා නිදහස් පක්ෂ දිසා සමුළුවේ දී තිලංග සුමතිපාල විසින් ආරම්භ කළ බව එම ආංචි මාර්ග කීවේය.
පාස්කු ප්රහාරයේ මෛත්රීපාල සිරිසේන හිටපු ජනපතිවරයාගේ සම්බන්ධව කාදිනල්තුමා දරන ස්ථාවරයට දක්වන ප්රතිචාරයක් ලෙස මෙම ප්රහාරය පුලුල්ව ක්රියාත්මක වීමට නියමිතව ඇතැයි වාර්තා වේ.
තිලංග සුමතිපාල මැල්කම් කාදිනල් රන්ජිත් පියතුමා විවේචනය කළේ කාදිනල්වරයා ගිහියෙක් බව ප්රකාශ කරමින් ඉතාම බරපතල ආකාරයෙනි. එහෙත් ජාත්යාන්තර කීර්තියට පත් රටේ ප්රධාන ආගමික නායකයෙක් සම්බන්ධව මෙවැනි බරපතල ප්රකාශ සම්බන්ධව ශ්රී ලංකා නිදහස් පක්ෂයේ කිසිම වගකිවයුතු නායකයෙක් පැහැදිලි කිරීමක් ඉදිරිපත් නොකළ අතර ඔවුන්ගෙන් ඒ සම්බන්ධව කරන විමසීම්වලට ද පිළිතුරක් නොදී මගහරිමින් සිටී.
කෙසේ වෙතත් අභ්යන්තර ආරංචි මාර්ග හෙළි කරන්නේ තිලංග සුමතිපාල කාදිනල්වරයා විවේචනය කර ඇත්තේ පක්ෂ නායක මෛත්රීපාල සිරිසේන මෙන්ම සෙසු නායකයන්ගේ අනුදැනුම සහ උපදෙස් සහ ඉල්ලීම පිට බවය.
මින් ඉදිරියට කාදිනල් තුමන් විසින් හිටපු ජනාධිපතිවරයා සහ ශ්රී ලංකා නිදහස් පක්ෂයට හානිවන ආකාරයට කරන සෑම විවේචනයකටම පෙරළා ප්රතිප්රහාර එල්ල කිරීමටත් කාදිනල්වරයාට එරෙහි විරෝධය ආගමික වෙනස මතු කර ජනගත කිරීමටත් කටයුතු කරනු ඇතැයි වාර්තා වේ.
