විශේෂ ලියුම්කරුවෙක් විසිනි –
ශ්රී ලංකා ක්රිකට් ආයතනයේ වත්මන් සභාපතිවරයා එළැඹෙන ක්රිකට් නිලවරණයේදී සිය සභාපතිධුරය රැක ගැනීමට අවශ්ය පසුබිම කුමන්ත්රණකාරී අයුරින් සකස් කරමින් සිටින බව විශ්වාස කටයුතු ආරංචි මාර්ග සඳහන් කරයි. ඔහුගේ පාර්ශ්වයට පසුගිය කාලය පුරා විවිධ දූෂණ වංචා චෝදනා එල්ල වූ නිලධාරීන් පිරිසක් ද ඇතුළත් වන අතර මෙවර නිලවරණයේදී නැවත බලය තහවුරු කරගැනීම සඳහා ඔහු මාධ්යවේදීන් පිරිසක් ද කුලියට ගෙන ඇතැයි වාර්තා වේ.
පසුගිය රජය සමයේ ක්රිකට් ආයතනයේ මාධ්ය අංශයට පස්සා දොරින් රිංගා ගත් හිටපු ක්රීඩා මාධ්යවේදියකුගේ සම්බන්ධිකරණයෙන් මෙරට ජාතික පුවත්පත් හා විද්යුත් මාධ්ය ආයතනන කිහිපයක මුදලට ගිජු මාධ්යවේදීන් කිහිපදෙනකු මේ සඳහා භාවිත කරමින් සිය ප්රතිවාදී පාර්ශ්වලට මඩ ගැසීමටත්, සිය ප්රතිරූපය පුම්බා ගැනීමටත් ඔහු කූට වැඩපිළිවෙළක් දියත් කර ඇතැයි ආරංචි මාර්ග සඳහන් කරයි.
ජාතික පුවත්පතක සේවය කළ එම ක්රීඩා මාධ්යවේදියා ක්රිකට් ආයතනයේ මාධ්ය අංශයේ කළමනාකාර තනතුරට ඉව අල්ලමින් සිටින බවත්, නිලවරණයෙන් පසුව සභාපතිවරයාගේ වරප්රසාද යටතේ එම තනතුර ලැබෙනු ඇතැයි අපේක්ෂාවෙන් මෙසේ ඔහුගේ න්යාය පත්රයට අනුව මෙරට ජාතික පුවත්පත් හා විද්යුත් මාධ්ය ආයතනන කිහිපයක මුදලට ගිජු මාධ්යවේදීන් කිහිපදෙනකු සම්බන්ධිකරණය කරමින් අවශ්ය වැඩ කටයුතු සිදු කරමින් සිටින බව ක්රිකට් ආයතනයේ අභ්යන්තර ආරංචි මාර්ග සඳහන් කරයි.
ක්රිකට් ආයතනයේ මාධ්ය අංශයේ අදාළ පුද්ගලයා ශ්රී ලංකා ක්රිකට් ක්රීඩකයන් පසුගියදා කොළඹ සුගතදාස ක්රීඩාංගණයේදී කිලෝමීටර් 2ක දුර ප්රමාණයක් දිව යමින් සිය ශාරිරික යෝග්යතාව මැන බැලීම ඔවුනට හොර රහසේ වීඩියෝ ගත කරමින් අන්තර්ජාලයට මුදා හැරීමට කටයුතු කරනු ලැබූ බවට ද චෝදනා එල්ල වී තිබේ. ඔහු එම කාර්යය සිදු කරනු ලැබුවේ ද සභාපතිවරයාගේ උපදෙස් අනුව බවත්, මෙම තැනැත්තා සභාපති තනතුර රැක ගැනීමට ශ්රී ලංකා ක්රිකට් ක්රීඩකයන් පවා අපකීර්තියට පත් කිරීමට හෝ බිල්ලට දීමට පසුබට නොවන ආකාරයේ පුද්ගලයකු බවත් ක්රිකට් ආයතනයේ අභ්යන්තර ආරංචි මාර්ග වැඩි දුරටත් සඳහන් කරයි.
මෙරට ජාතික පුවත්පත් හා විද්යුත් මාධ්ය ආයතනන කිහිපයක මුදලට ගිජු මාධ්යවේදීන් කිහිපදෙනකු තමා සභාපතිධුරය දරන සී.සී.සී. ක්රීඩා සමාජ ශාලාවට ගෙන්වා ඔවුන්ට මධුවිතින් හා ආහාරපානාදියෙන් සංග්රහ කොට මුදල් තිළිණයක් ද පිරි නමමින් ප්රතිවාදී පාර්ශ්වයන් හි කීර්තිනාමයට හානි වන අයුරින් සහ තම ප්රතිරූපය ඉස්මතු වන අයුරින් වාර්තා පළ කරන ලෙස උපදෙස් දී ඇතැයි එම අවස්ථාවට එක්වූ පසුව ඊට අවනත නොවූ තවත් මාධ්යවේදියකු හෙළිදරවු කර ඇත.
තමා නැවත බලයට පත්වීමෙන් පසු ශ්රී ලංකා ක්රිකට් කණ්ඩායම සහභාගි වන සියලුම විදෙස් සංචාර ආවරණය කිරීම එම මාධ්යවේදීන්ට පමණක් ලබා දෙන බවටත්, ඒ සඳහා අවශ්ය ප්රතිපාදන ලබාදීමට කටයුතු කරන බවටත් සභාපතිවරයා එම මාධ්යවේදින්ට පොරොන්දුවී ඇති අතර ඒ අනුව මාධ්යවේදින් දැනටමත් ඔහුගේ උපදෙස් අනුව කටයුතු කරමින් සිටින බව වාර්තා වේ.
රජයේ හා පෞද්ගලික මුද්රිත හා විද්යුත් මාධ්ය ආයතනවල සේවය කරන මාධ්යවේදින් කිහිපදෙනකු එසේ මේ තැනැත්තාගේ මුදල් වෙනුවෙන් මාධ්ය ක්ෂේත්රය ගණිකා වෘත්තියේ යෙදවීම එම ක්ෂේත්රයේ සෙසු මාධ්යවේදින්ගේ දැඩි පිළිකුලට හා අප්රසාදයට ලක්වී ඇති බව ද වාර්තා වේ.
