මේ වන විට පාකිස්තානයේ සිටින ශ්රී ලංකා ක්රිකට් කණ්ඩායම රාවල්පිණ්ඩිහි සිදු වූ බෝම්බ පිපිරීම නිසා වහාම ආපසු ලංකාවට පැමිණීමට ගත් තීරණයට මෙරට සිටින ක්රීඩක කළමනාකරුවන් දෙදෙනකු බලපෑම් කර ඇති බව වාර්තා වේ.
එදින ක්රීඩකයන් සියලු දෙනා එක් කාමරයකට වී කිසිදු බාහිර ඇමතුමකට ප්රතිචාර නොදක්වා සිට ඇත්තේද ඔවුන්ගේ උපදෙස් මත බවද වාර්තා වේ.
මෙයට හේතුව වී ඇත්තේ මෙම සංචාරය අවලංගු වුවහොත් තම ක්රීඩකයන් අයිපීඑල් තරගාවලියට යැවීමට හා ඉන් විශාල කොමිස් මුදලක් තමන්ට ලබා ගැනීමට බව දැන ගන්නට ඇත.
එහෙත් ජනාධිපති අනුර කුමාර හා ක්රිකට් බලධාරීන්ගේ මැදිහත් වීම මත ඔවුන් එහි රැඳී සිටීමට තීරණය කර තිබේ.
මේ වන විට රාජ්ය නායකයකුට ලබා දෙන ආරක්ෂාවටත් වඩා වැඩි ආරක්ෂාවක් පාකිස්තානු යුද හමුදාව හා පොලීසිය මගින් ශ්රී ලංකා ක්රිකට් කණ්ඩායමට ලබා දී ඇත.
මෙම දැඩි ආරක්ෂාව මධ්යයේ රාවල්පිණ්ඩිහි ඊයේ පැවැති දෙවෙනි එක් දින තරගයේදී ශ්රී ලංකා පිලට කඩුළු 8 ක පරාජයක් අත් විය.
