එක්සත් ජනරජ පෙරමුණේ දේශපාලන මණ්ඩල සභාපති, කරු පරණවිතාන අද (03) පාර්ලිමේන්තු මන්ත්රීවරයෙකු ලෙස දිව්රුම් දෙන ලදී.
රත්නපුර දිස්ත්රික් මන්ත්රී තලතා අතුකෝරලගේ ඉල්ලා අස්වීමෙන් ඇතිවූ මන්ත්රීධුරයේ පුරප්පාඩුව පිරවීම සඳහා මැතිවරණ කොමිසම විසින් කරු පරණවිතාන ගේ නම නිර්දේශ කර තිබෙන්නේ රත්නපුර 2019 පැවැත් වූ මහමැතිවරණයේ මනාප ලැයිස්තුවේ ඊළගට වැඩිම මනාප ලබාගත් අපේක්ෂකයා බැවිනි.
කරු පරණවිතාන මහතා ප්රථම වරට පාර්ලිමේන්තුවට පත්වූයේ 2015 වසරේ පැවැති මහමැතිවරණයෙනි. 2015 දී පිහිටුවනු ලැබූ යහපාලන රජයේ ජනමාධ්ය, නිපුනතා සංවර්ධන ,හා පලාත් පාලන අමාත්යංශ වල නියෝජ්ය අමාත්ය ධුර ඔහු විසින් දරන ලදී.
තොරතුරු දැනගැනීමේ පනත කෙටුම්පත් කර සම්මත කරගැනීම සඳහා ඔහු විසින් පුරෝගාමී මෙහෙවරක් ඉටුකරන ලදී. වෘත්තීය අධ්යාපනය පුලුල් කිරීම උදෙසා නව දියුනූ වෘත්තීය අධ්යාපන ආයතන කිහිපයක්ම අධ්යාප පද්ධතියට එකතුකිරීමෙහිලාද ඔහු විශේෂ මදිහත්වීමකින් කටයුතු කළේය.
