කරන්දෙණිය මහජන සෞඛ්ය පරීක්ෂකවරයා ඝාතනය කළ අපරාධකරුවා අත් අඩංගුවට ගත් බව පොලිසිය පවසයි.
මෙම සැකකරු ගල්කිස්ස පොලිසිය විසින් ගිනි අවි දෙකක් සමග අත් අඩංගුවට ගෙන ඇත්තේ මීට සතියකට පෙර බවත් ඔහු අත් අඩංගුවට ගෙන විමර්ශන කරමින් සිටිය දී කරන්දෙණිය මහජන සෞඛ්ය පරීක්ෂවරයා ඝාතනය හෙළි වූ බවත් පොලිිසය කියයි.
අපරාධ සැකකරු හමුදාවෙන් පැනවිත් සිටින පුද්ගලයෙකි. ඔහු පවසා ඇත්තේ තමන් ඝාතනය කරන්නේ කරන්දෙණිය පී. එච්.අයි බව නොදැන සිටි බවය.
සමන් කොල්ලා නැමැති පාතාල අපරාධකරු විසින් රුපියල් ලක්ෂ අටක් සිය බිරියගේ ගිනුමට දමා විශ්රාමික පොලිස් පරීක්ෂකවරයෙක් ඝාතනය කරන ලෙස දන්වා ලබා දුන් ඡායාරූපයක් සහ ලිපිනය සහිත තොරතුරු අනුව තමන් මෙම ඝාතනය සිදුකළ බව මෙම පුද්ගලයා පවසා තිබේ.
තමන් සමග පැමිණි පැදිකරු කවරෙක්දැයි තමන් නොදන්නා බවත් එම ස්ථානයට තමන්ව රැගෙනගියේ පැදිකරු බවත් ඔහු පවසා ඇත.
ශ්රී ලංකා මහජන සෞඛ්ය පරීක්ෂකවරුන්ගේ සංගමයේ භාණ්ඩාගාරික රොෂාන් කුමාර මහතා ඝාතනය වන්නේ පසුගිය පෙබරවාරි 26 වැනිදා සිය නිවස තුළ දී ය. ජනතාව වෙනුවෙන් නීතිය නිසි ලෙස මෙහෙයවමින් අසීමිත වැඩ කොටසක් කළ කරන්දෙණිය පරිපාලන මහා ජන සෞඛ්ය පරීක්ෂක නිලධාරි රොෂාන් පුෂ්පකුමාර ඔහුගේ ඝාතනය සම්බන්ධව සිදුවන පරීක්ෂණ කනගාටු දායක ලෙස මන්දගාමී වී ඇති බව පාර්ලිමේන්තුව තුළ ද සාකච්ඡාවට ලක්වෙද්දී මෙම අත් අඩංගුවට ගැනීමත් අහම්බයක් බව වාර්තා වේ.
