පකිස්ථානයේ කරච්චි නගරයේ ගෑස් නලයක් පිපිරීම නිසා 10 දෙනෙකු මිය ගොස් තවත් 07 දෙනෙක් බරපතල තුවාල ලබා ඇති බව විදෙස් පුවත් සේවා වාර්තා කරයි.
රෝහල් ආරංචි මාර්ග පවසා ඇත්තේ තුවාල ලැබූ 13 දෙනෙක් සිටින බවත් ඔවුන් සියලු දෙනාම පසුවන්නේ අසාධ්ය තත්වයෙන් බවත්ය.
ගෑස් නලයක් පිපිරී යෑමෙන් මෙම අනතුර සිදු වී ඇති බවත්, ඒ අසල පිහිටි පෞද්ගලික බැංකු ගොඩනැගිල්ලකට සහ එහි නවතා තිබූ වාහන කිහිපයකට මේ පිපිරීමෙන් හානි සිදු වී ඇති බවත් කරච්චි පොලිසිය පවසා ඇත.
ගලවා ගැනීමේ මෙහෙයුම ක්රියාත්මක වන අතර ප්රදේශය වටකර තිබේ.
එම ස්ථානයේ සිටි ඇසින් දුටු සාක්ෂිකරුවන් පවසන්නේ ගොඩනැගිල්ලේ සුන්බුන්වලින් බොහෝ පිරිසක් වැළලී සිටින බවයි. සුන්බුන් ඉවත් කර එහි සිරවී සිටින පුද්ගලයින් මුදා ගැනීමට ට්රැක්ටරයක් කැඳවා තිබේ.
බෝම්බ නිෂ්ක්රීය අංශයක් (BDU) පිපිරීම සිදුවූ ස්ථානයට පැමිණ ඇත.
