කීර්ති ප්රනාන්දු –
කන්කසන්තුරේ සිට කොළඹ බලා පෙරේදා (06) ධාවනය වෙමින් තිබූ රාත්රී තැපැල් දුම්රියේ නිදන මැදිරි භාරව සිටි දුම්රිය සේවකයා බීමත්ව සිටියදී අනුරාධපුර දුම්රිය ආරක්ෂක හමුදාව මගින් අත්අඩංගුවට ගෙන තිබේ .
මෙම දුම්රියේ ප්රධාන නියාමකවරයා විසින් අනුරාධපුර දුම්රිය පාලන කාර්යාලයට දැනුම් දීම අනුව අනුරාධපුර දුම්රිය ස්ථානයේ දී ඔහුව අත්අඩංගුවට ගැනීම සිදු කර ඇත .
මේ අවස්ථාවේදී එම දුම්රිය සේවකයාගේ මුවින් මත්පැන් ගඳ වහනය වී ඇති බවද අනාවරණය වේ .
පසුව අනුරාධපුර පොලීසියට භාරදීමෙන් අනතුරුව පොලිසිය මගින් එම සේවකයාව අනුරාධපුර අධිකරණ වෛද්යවරයා වෙත ඉදිරිපත් කරන ලදුව ඔහු බීමත්ව සිටි බව තහවුරු වී ඇතැයි දුම්රිය දෙපාර්තමේන්තුව පවසයි .
අනුරාධපුර දුම්රිය ආරක්ෂක හමුදාවේ උප පරීක්ෂක ක්රිෂාන්ත ද සිල්වා විසින් අත්අඩංගුවට ගනු ලැබූ මෙම සේවකයා මාලිගාවත්ත දුම්රිය අංගනාධිපති කාර්යාලයට අනුයුක්තව සිටින සේවකයෙකු බව ද වාර්තා වේ .
මේ පිළිබඳව දුම්රිය දෙපාර්තමේන්තුව මගින් වැඩිදුර පරීක්ෂණ ආරම්භ කර ඇත .
