බොරැල්ල කනත්ත හන්දිය මළ ගෙයක් කළ ගංජාකාර දොඹකර රියදුරා සහ දොඹකර හිමිකරු අද (28) පොලිසිය විසින් අත්අඩංගුවට ගෙන තිබේ.
සැකකාර රියදුරා සහ දොඹකර රථයේ හිමිකරු හෙට අලුත්කඩේ අංක 02 මහෙස්ත්රාත් අධිකරණය හමුවට ඉදිරිපත් කිරීමට නියමිතව ඇත.
රිය අනතුර සිදුකළ දොඹකර රථයේ රියදුරා ගංජා පානය කර ඇති බවට තහවුරු වී ඇති බවට අදාළ රියදුරු සම්බන්ධයෙන් සිදුකළ වෛද්ය පරීක්ෂණයේදී බොරැල්ල පොලිසිය විසින් තහවුරු කරගෙන තිබේ. මේ ඒ විනාශකාරී රියදුරාගේ පාලනයෙන් තොරව දොඹකරය ගමන් කරන ආකාරයයි…
අද උදෑසන බෞද්ධාලෝක මාවතේ සිට බොරැල්ල දෙසට ධාවනය වූ දොඹකර රථය බොරැල්ල කනත්ත වට රවුමේ මාර්ග සංඥා අසලදී යතුරුපැදි 06ක සහ මෝටර් රථ 03ක ගැටී මෙම අනතුර සිදුකර තිබිනි.
මේ දොඹකරය මෝටර් රථවල ගැටෙන්නේ මාර්ග සංඥා හේතුවෙන් රථ වාහන නතර කර තිබියදීය. දොඹකර රථය වාහන පෙළ යටකරගෙන වේගයෙන් ඉදිරියට ගමන් කරන ආකාරය CCTV දර්ශනවල දැක්වුණි.
දොඹකර රථයට යටවූ යතුරුපැදි කිහිපයක් රථය තුළ සිරවී ඇති ආකාරය ද දක්නට ලැබුණි. අනතුරින් එක් යතුරුපැදිකරුවෙකු එම ස්ථානයේදීම මිය ගියේය. තුවාල ලැබූ තවත් 07 දෙනෙකු ප්රතිකාර සඳහා කොළඹ ජාතික රෝහල වෙත ඇතුළත් කළ කර තිබිණි. තුවාල ලැබූවන් අතර අපරාධ වාර්තා කොට්ඨාසයට හා අල්ලස් හා දූෂණ විමර්ශන කොට්ඨාසයට අනුයුක්තව සේවය කරන පොලිස් නිලධාරීහු දෙදෙනෙක් ද වූහ.
රියදුරුගේ නොසැලකිලිමත් බව හා අපරික්ෂාකාරී රිය ධාවනය හේතුවෙන් අනතුර සිදුව ඇති බව විමර්ශනවලින් තහවුරු වී ඇත.
