කතරගම වන්දනාවේ එන බැතුමතුන්ට කිඹුල බියෙන් තොරව ආරක්ෂිතව දිය නෑමට ස්ථානයක් සකස් කරයි.

 සූරියවැව නුවන් ජයසේකර –

• දින කීපයකටත් පෙර බැතිමතෙක් කිඹුලෙකුට බිලි වෙලා… ආරක්ෂිත ස්ථානවලින් පමණක් දියනෑම සිදුකරන්නැයි කිරිවෙහෙර මහ නා හිමි බැතිමතුන්ගෙන් ඉල්ලයි.

මේ දිනවල කතරගම පුදබිමට පැමිණෙන බැතුමතුන්ට මැණික් ගංගාවේ ආරක්ෂිතව දියනෑම සදහා ස්ථානයක් කිරිවෙහෙර රජමහා විහාරාධිපති රුහුණු මාගම්පත්තුවේ ප්‍රධාන සංඝනායක පුජ්‍ය කොබවක ධම්මින්ද නා හිමියන්‌ෙග් උපදෙස් පරිදි සකස්  කිරිම  අද (08) දින  සිදුකෙරුණි.

මීට දින තුනකට පෙර කතරගම වන්දනාවේ පැමිණි පුද්ගලයෙකු  මැණික් ගංගාවේ අනාරක්ෂිත ස්ථානයකින් දිය නෑමට ගොස් කිඹුලෙකුට බිලි වීමෙන් ජීවිතක්ෂයට පත් විය. 

මෙම සිදුවිමත් සමග මේ සම්බන්ධයෙන් විශේෂ අවධානයක් යොමුකළ කිරිවෙරෙහර  නා හිමියන් බැතිමතුන්ට ආරක්ෂිතව දිය නෑමට මෙම ස්ථානය ඉදිරිකිරීමට පියවර ගෙන තිබේ.

මැණික් ගංගාවේ දිය නෑම සදහා  සකස් කර ඇති ස්ථානවලන් පමණක් දියනෑම සිදුකරන ලෙසත් මෙහිදී නා හිමියන් බැතිමතුන්ගෙන් ඉල්ලා සිටියේය.

කිරිවෙහෙර නා හිමියන්ගේ ඉල්ලිම හා අනුශාසනා පරිදි හම්බන්තොට නාගර්වැව පිහිටි 12 වන සේනාංකාධිපති මේජර් ජෙනරල් චමිල මුණසිංහගේ මෙහෙයවීමෙන් යුධහමුදා නිළධාරින් විසින් මෙම දිය නෑමේ ස්ථානය සකස් කර තිබේ.