ඊයේ (02) උදෑසන කඩුවෙල 08 කණුව ප්රදේශයේ දී ඝාතනය කර දමා තිබූ තරුණයාගේ මරණයට සම්බන්ධ සැකකාර ඝාතකයින් අත් අඩංගුවට ගැනීමෙන් අනතුරුව අද කඩුවෙල මහේස්ත්රාත් අධිකරණය වෙත ඉදිරිපත් කිරීමට නියමිතව ඇතැයි පොලිසිය පවසයි.
නාඳුනන මළ සිරුරක් පිළිබඳව කඩුවෙල පොලිසියට ලද තොරතුරක් මත මරණය සම්බන්ධව කළ විමර්ශනයේ දී මියගොස් ඇත්තේ නින්දහේන ගොතටුවේ පදිංචි 29 හැවිරිදි පුද්ගලයෙක් බව සොයාගෙන තිබේ.
අනතුරුව බස්නාහිර දකුණු අපරාධ කොට්ඨාසයේ නිලධාරින් විසින් සිදුකළ විමර්ශනයකින් අනතුරුව සැක කරුවන් 03ක් අත්අඩංගුවට ගැනීමට හැකි වී ඇත.
එසේ අත්අඩංගුවට ගෙන තිබුනේ වයස අවුරුදු 36,46,සහ 47 වයස්වල පසුවන වැල්ලම්පිටිය සහ අංගොඩ ප්රදේශවල පදිංචිකරුවන්ය.
ඔවුන් සහ මරා දැමූ තරුණයා අතර පුද්ගලික ආරවුලක් තිබී ඇත.
මෙම තරුණයා පැහැරගෙන ගොස් මුල්ලේරියාවේ දී පහර දී ඝාතනය කර ත්රී රෝද රථයක දමාගෙන කඩුවෙල 08 කණුව ප්රදේශයේ මෘත දේහය අත්හැර දමා පැමිණි ආකාරය අත් අඩංගුවට ගත් සැකකරුවන් විසින් ප්රකාශ කර ඇත.
ඝාතනය සඳහා යොදා ගත් පොල්ලක්, සහ වයරයක් ද මළ සිරුර ප්රවාහනය කිරීම සඳහා යොදා ගත් ත්රීවිල් රථය ද පොලිස් භාරයට ගෙන ඇත.
බස්නාහිර පළාත් දකුණ අපරාධ කොට්ඨාසය වැඩිදුර පරීක්ෂණ පවත්වයි.
