ශ්රියානි විජේසිංහ –
විවිධ රෝග තත්ත්වන් සඳහා ප්රතිකාර ලබා ගැනීමට රෝහල්වෙත පැමිණෙන රෝගීන්ට එන්නත් ලබා දීමට හෝ ඖෂධ ලබා දීමට වෛද්යවරු බිය වී ඇතැයි රෝහල් ආරංචි මාර්ග සදහන් කරයි.
පසුගිය දිනවල පේරාදෙණිය රෝහල, ජාතික අක්ෂි රෝහල සහ නුවර රෝහලට ඇතුළත් කළ රෝගින්ට ලබා දුන් නිර්වින්දන ඖෂධයක් හේතුවෙන් රෝගීන් මියයෑම, භාවිත කළ අක්ෂි දියරයක් හේතුවෙන් ඇස් අන්ධවීම, ප්රතිජිවක ඖෂධයක් අසාත්මික වී මරණයක් සිදුවීම හා රෝගීන් කිප දෙනෙකුට මාරාන්තික වීම වැනි සිදුවීම් හේතුවෙන් රෝගින්ට ඖෂධ ප්රතිකාර ලබා දීමට වෛද්යවරුන් මෙසේ බියට පත්ව තිබෙන බව එම ආරංචි මාර්ග වැඩිදුරටත් සදහන් කර සිටියි.
මේ තත්තවය මත රෝගියෙකු නිර්විනදනය කිරීමට එන්නත ලබා දීමට හා ප්රතිජීවක ඖෂධ ලබා දීමට පෙර කිප විටක්ම වෛද්යවරුන් ඉහළ ශ්රේනිවල වෛද්යවරුන්ගෙන් ඇසීමට පෙළඹී ඇතැයිද වාර්තාවේ.
ඖෂධවල ගූණාත්මකභාවය පිලිබඳව වෛද්යවරු තුළද මේ වන විට අවිනිශ්චිත භාවයක් ගොඩනැගී ඇති බැවින් මෙම අවිනිශ්චිත භාවය දුරුකිරිමට ජාතික ඖෂධ නියාමන අධිකාරිය වහාම ක්රියාත්මක වීය යුතු බවත් එසේ නොවුණහොත් සෞඛ්ය පද්ධතිය කඩාවැඩීමකට ලක්විය හැකි බවත් වෛද්යවරු සදහන් කරති.
