ශ්රී ලංකාවේ ආර්ථිකය සම්බන්ධව ජාත්යාන්තර මූල්ය අරමුදල නිකුත් කරන ලද වාර්තාව තවමත් තමන්ට ලැබී නැති බව වගකීමෙන් කියන්නේ යැයි මුදල් ඇමති බැසිල් රාජපක්ෂ පසුගිය 23 දා සර්ව පාක්ෂික සමුළුවේ දී ප්රකාශ කළ නමුත් ඒ වනවිටත් එම වාර්තාව හිටපු අගමැති රනිල් වික්රමසිංහ වෙත ලැබී තිබුණු බව දැනගන්නට තිබේ.
ජාත්යාන්තර මූල්ය අරමුදලින් මුදල් ඇමති ලෙස තමන්ට ලැබී ඇත්තේ පූර්ණ වාර්තාවක් නොව, ඩ්රාෆ්ට් එකක් බව බැසිල් ප්රකාශ කරද්දී අයි.එම්.එෆ් වාර්තාව අධ්යයනය කර සමුළුවට පැමිණි රනිල් වික්රමසිංහ එහෙමනම් අයි.එම්.එෆ් නියෝජිතයෙක් ගෙන්වමු යැයි යෝජනා කළේය.
ඒ සමගම බැසිල් නොසන්සුන් වීම සමුළුව දෙස බලාගෙන සිටි නිරීක්ෂකයන් තුළ සැකයක් ඇති කර තිබිණි.
රට තුළ උද්ගතව ඇති මූල්ය අර්බුදයට විසඳුමක් ලෙස අයි.එම්.එෆ් යන ලෙස රනිල් දිගින් දිගටම ඉල්ලා සිටියේය. අනතුරුව අයි.එම්.එෆ් නියෝජිතයන් ලංකාවට පැමිණ කළ සාකච්ඡාවේදී තීරණය කළ රටේ ආර්ථික තත්වය පිලිබඳ අයි.එම්.එෆ් වාර්තාව ඉදිරිපත් කරන ලෙස ඉල්ලීමක් කළේය
පසුගිය දා පාර්ලිමේන්තුවේ දී අයි.එම්.එෆ් වාර්තාව රටට ඉදිරිපත් කරන ලෙස ඉල්ලා සිටියදී එවැනි වාර්තාවක් ලැබී නැති බව ආණ්ඩු පක්ෂයෙන් අවස්ථා කීපයක දී ප්රකාශ විය. සර්ව පාක්ෂික සමුළුවට විපක්ෂයේ ප්රධාන පක්ෂ සහභාගී නොවීමට එක් හේතුවක් වූයේත් මේ තොරතුරු වසන් කිරීමය.
මේ අවස්ථාවේ දී රනිල් කියා සිටියේ මේ වර්තාව රටේ මාධ්යයට සැඟවිය නොහැකි බවය. එය සැඟවීමට උත්සාහ කළත් නිව් යෝක් නුවරින් හෝ අයිඑම්එෆ් කාර්යාලයෙන් මාධ්යයට එම වාර්තාව ලබා ගත හැකි බවය.
මෙය කියවන්න…
අයි.එම්.එෆ් වාර්තාව ගැන කියමින් රනිල් – බැසිල් සර්ව පාක්ෂික සමුළුව උණුසුම් කරයි.
