ජනාධිපතිවරයා සහ ආණ්ඩුවෙන් ස්වාධීන වූ පක්ෂ අතර ජනාධිපතිවරයාගේ ඇරයුමෙන් අද (10) ජනාධිපති මන්දිරයේ පැවැත්වූ සාකච්ඡා කිසිම විසඳුමකින් තොරව අවසන් වී ඇත.
දින දෙකකට පෙර සිය යෝජනාවලිය භාර දී 20 වැනි ව්යවස්ථා සංශෝධනය බල රහිත කර 19 වැනි ව්යවස්ථාව බලගැන්වීමෙන් අනතුරුව පිහිටුවන අන්තර්වාර පාලනයක් සම්බන්ධව බලාපොරොත්තු සහගත සාකච්ඡාවකට ගිය ශ්රී.ල.නි.ප.ය, විමල් ගම්මන්පිල කණ්ඩායම, අනුර ප්රියදර්ශන යාපා කණ්ඩායමට ජනාධිපතිවරයා ලබා දී ඇත්තේ පසුව සාකච්ඡා කරමු යන පණිවිඩය බවය.
සාකච්ඡා සැලසුමක් තිබුණා නම් මෙම යෝජනාවලිය ගැන පූර්ව අධ්යයනයක් කිරීමේ අවකාශය ජනාධිපතිවරයා වෙත තිබුණු නමුත් ඔහු ප්රකාශ කර ඇත්තේ පොහොට්ටුවේ සාමාජිකයන් සමග සාකච්ඡා කිරීමෙන් අනතුරුව අන්තර්වාර පාලනයක් සම්බන්ධව සාකච්ඡා කිරීමට මෙම කණ්ඩායමට වෙනත් දිනයක් ලබා දෙන බවය.
එහෙත් ඒ දිනය සහ වෙලාව පිළිබඳ ජනාධිපතිවරයා ප්රකාශ කර නැත.
කෙටි වෙලාවක් පැවති මෙම සාකච්ඡාවෙන් අනතුරුව එළියට පැමිණි වාසුදේව නානායක්කාර මන්ත්රීවරයා කීවේ අන්තර්වාර පාලනයක් සම්බන්ධව කිසිවක් කතා නොකළ බවය.
නමුත් සිදුවී ඇත්තේ ඒ සම්බන්ධව ජනාධිපතිවරයා ඉතා අල්ප අවධානයකින් යුතුව හැසිරීමයැයි වාර්තා වේ.
මේ අතර රජය හෙට කැබිනට් නව කැබිනට් මණ්ඩලය පත් කිරීමට සැරසෙමින් ඇති බවට තොරතුරු අනාවරණය වේ. දූෂිත සහ දැඩිව ජනතා අප්රසාදයට ලක් වූ පොහොට්ටු සාමාජිකයන් මෙම ඇමති මණ්ඩලයට නම් කළහොත් පොහොට්ටුවේ තවත් මන්ත්රී කණ්ඩායමක් ස්වාධීන වීමේ තීන්දුවක සිටී.
