දූෂිත චෝදනාවක් සම්බනධයෙන් රක්ෂිත බන්ධනාගාරගතව සිටි හිටපු ආර්ථික සංවර්ධන නියෝජ්ය අමාත්ය සහ විශේෂ ව්යාපෘති අමාත්ය ලෙස කටයුතු කළ එස්.එම්. චන්ද්රසේන ඇප මත මුදා හැරීමට කොළඹ ප්රධාන මහේස්ත්රාත් තනූජා ලක්මාලි ජයතුංග අද නියෝග කළාය.
ඒ අනුව රුපියල් පනස් දහසක මුදල් ඇපයක් සහ මිලියන 05 බැගින් වූ ශරීර ඇප දෙකක් මත සැකකාර හිටපු අමාත්යවරයා මුදා හරිනු ලැබුවේය.
සැකකරුගේ විදේශ ගමන් තහනම් කරමින් විදේශ ගමන් බලපත්රය අධිකරණයට භාර දෙන ලෙස ද අධිකරණය නියෝග කර තිබිණි.
නඩුව කැඳවූ අවස්ථාවේ දී විමර්ශන නිලධාරීන් අධිකරණයට දන්වා සිටියේ සිද්ධිය සම්බන්ධ මූලික විමර්ශන කටයුතු නිමා කර ඇති බවය. එබැවින් සැකකරු සම්බන්ධව සුදුසු නියෝගයක් නිකුත් කරන ලෙස විමර්ශන නිලධාරීහු අධිකරණයෙන් ඉල්ලා සිටියහ.
එම අවස්ථාවේ සැකකරු වෙනුවෙන් පෙනී සිටි නීතිඥ චමින්ද අතුකොරල ප්රකාශ කළේ මූලික විමර්ශන අවසන් බව විමර්ශන නිලධාරින් අධිකරණයට දන්වා සිටින බැවින් සැකකරු ඇප මත මුදාහරින ලෙසය.
මෙම කටයුතු සලකා බැලූ ප්රධාන මහේස්ත්රාත්වරිය ඔහු ඇප මත මුදා හරිනු ලැබුවේය.
2014 වර්ෂයේදී අනුරාධපුර දිස්ත්රික්කයේ දිළිඳු ගොවීන්ට බෙදා දීම සඳහා රජයේ රුපියල් මිලියන 25ක වියදමින් ගෙන්වන ලද බීජ බඩඉරඟු දිස්ත්රික් ලේකම් කාර්යාලයේ ක්රම සම්පාදන අධ්යක්ෂ ඇතුළු නිලධාරීන්ට බලපෑම් කරමින් 2015 ජනාධිපතිවරණයට වාසි ලබා ගැනීමේ අරමුණු සහිතව තම දේශපාලන හිතවතුන් හරහා බෙදා දීමෙන් රජයට පාඩුවක් කිරීමේ චෝදානා මත හිටපු අමත්ය එස්.එම්.චන්ද්රසේන ජූලි 04 වැනිදා අල්ලස් කොමිසමෙන් අත් අඩංගුවට ගැනුනි.
මෙම නඩුව ජනවාරි මස 09 දා යළි කැඳවීමට නියමිතය.
