මේ රටේ පැවැත්වෙන ප්රමුඛතම ප්රිමියර් ලීග් විස්සයි 20 තරගාවලියේ ක්රීඩක ලයිස්තු සැකසීමේ දී අන්තර්ජාතික ශ්රේණිගත කිරීම්වල පිතිකරු ලයිතුවේ 8 වැනි ස්ථානයේ පසුවන පැතුම් නිශ්ශංක කිසිම කණ්ඩායමක් සඳහා තෝරා නොගැනීම සම්බන්ධව මේ වනවිට ක්රිකට් වලට උනන්දුවක් සහිත සියලු දෙනාගේ දැඩි අවාධානයට ලක් වී තිබේ.
පසුගිය 05 වැනිදා සිදුකළ ක්රීඩක ලයිස්තු සැකසීමේ දී සිදුකළ මෙම මගහැර යෑම කරන්නේ පැතුම් නිශ්ශංක අන්තර්ජාතික පිතිකරණ ශ්රේණිගත කිරීමේහි පළමු 10 දෙනා අතර සිටින එකම ශ්රී ලාංකික පිතිකරුවා වී සිටිය දී ය.
පන්දු ඕවර 50, විස්සයි 20 සහ ටෙස්ට් කණ්ඩායමේ නිත්ය ආරම්භක පිතිකරු ලෙස කටයුතු කරන්නේ පැතුම් නිශ්ශංකය.
එමෙන්ම ශ්රී ලංකා කණ්ඩායමට ප්රවේශ වීමට ආසන්නයේ සිට විසි වී යන අන්තර් සමාජ විස්සයි 20 තරගාවලියේ වැඩිම කඩුලු ලාභියා වූ බී.ආර්.සී කණ්ඩායමේ වමත් දඟ පන්දු යවන ක්රීඩක දුවිඳු තිලකරත්නත් එකම කණ්ඩායමකට හෝ තෝරාගෙන නැත.
දස්කම් අතර නැති, හිතවත්කම් සහ සම්බන්ධතා මත ක්රීඩක ලයිස්තු සකස් කර ඇති ආකාරයක් පෙනේනට ඇති බවත්, එක් කණ්ඩායමක අයිතිකරුගේ පුත්රයා පවා කණ්ඩායමට ඇතුළත් කර ඇති බවත් මේ සම්බන්ධව අදහස් දක්වන මැදිහත් නිරීක්ෂකයෝ පවසති.
ඔවුන් කියන්නේ ජාතික වශයෙන් ශඛ්යතා වර්ධනය කරගැනීම සඳහා සංවිධානය වන මෙවැනි තරගාවලියක් තුළට මේ ආකාරයේ අශිෂ්ට මැදිහත්වීම් සිදුවීම වැළැක්වීමට නිසි ක්රමවේදයක් අවශ්ය බවය.
