එක්ස්ප්රස්පර්ල් නෞකාවෙන් මෙරට පරිසර පද්ධතියට සිදුවූ හානියට අදාළ වන්දි මුදල ඇතුළත් සවිස්තර වාර්තාව, සකස් කිරීමට අවශ්ය මූලික උපදෙස් නිතීපති දෙපාර්තමේන්තුව විසින් නිකුත් කර ඇත.
එහෙත් නීතිපති දෙපාර්තමේන්තුව වාර්තාව කැඳවා ඇති ආකාරය සම්බන්ධයෙන් පවතින අපැහැදිලි තත්ත්වයක් පැහැදිලි කරගැනීම සඳහා නීතිපතිවරයා සමග සාකච්ඡාවක් ඉල්ලා ඇති බව සමුද්රීය පරිසර ආරක්ෂණ අධිකාරිය පවසයි.
එම අධිකාරිය සභාපති සභාපති, අසේල බී රැකව සඳහන් කළේ ලබන සතිය තුළ එක්ස්ප්රස්පර්ල් නෞකාවෙන් මෙරට පරිසර පද්ධතියට සිදුවූ හානියට අදාළ වන්දි මුදල ඇතුළත් සවිස්තර වාර්තාව, සකස් කිරීම පිළිබඳව සාකච්ඡා කිරීමට අවස්ථාවක් ලැබෙනු ඇතැයි බලාපොරොත්තු වන බවය.
එක්ස්ප්රස්පර්ල් නෞකා අනතුරින් සිදුවූ පරිසර හානිය වෙනුවෙන් වන්දි ඉල්ලා, සිංගප්පූරු අධිකරණයක් හමුවේ, ශ්රී ලංකාව පසුගියදා නඩු පවරනු ලැබුවේ ය.
සමුද්රීය පරිසර ආරක්ෂණ අධිකාරියෙන් අදාළ වාර්තාව කැඳවා ඇත්තේ, අය කිරීමට අපේක්ෂිත වන්දි මුදල් ප්රමාණය පිළිබඳව අධිකරණයට දැනුම්දීම සඳහායි.
