එක්සත් ජාතීන්ගේ 76 වන මහ මණ්ඩල සැසිවාරයට සහභාගීවීම සඳහා ජනාධිපති ගෝඨාභය රාජපක්ෂ මහතා (18) අළුයම දිවයිනෙන් පිටත්ව ගිය බව ජනාධිපති මාධ්ය අංශය සඳහන් කරයි.
අමෙරිකා එක්සත් ජනපදයේ නිව්යෝර්ක් හි පැවැත්වෙන මහා මණ්ඩල සැසිය ලබන 22 දා ජනාධිපති ගෝඨාභ රාජපක්ෂ විසින් අමතනු ඇත.
ජනාධිපතිවරයා දිවයිනෙන් බැහැරව විදේශ සමුළුවකට සහභාගී වන සහ එක්සත් ජාතීන්ගේ මූලස්ථානයේ දී රාජ්ය නායක සමුළුව අමතන පළමු අවස්ථාව මෙය වේ.
සැසිවාරය අතරතුර ජනාධිපතිවරයා, රාජ්ය නායකයන් කිහිපදෙනෙකු සමග ද්විපාර්ශ්වික සාකච්ඡා පැවැත්වීමට ද නියමිතව ඇති බව ජනාධිපති මාධ්ය අංශය පවසයි.
අමෙරිකානු ජනාධිපති ජෝ බයිඩන්ගේ ප්රධානත්වයෙන් 21 වන අඟහරුවාදා ඇරඹෙන මෙවර සමුළුවේ තේමාව “කොවිඩ් 19 – වෛරසයෙන් සුවය ලබා ගැනීම සඳහා බලාපොරොත්තු සහගත බව තුළින් ඔරොත්තු දීමේ හැකියාව වර්ධනය, තිරසර බව යළි ගොඩනැගීම, පෘථිවියේ අවශ්යතාවන්ට ප්රතිචාර දැක්වීම, මිනිසුන්ගේ අයිතිවාසිකම්වලට ගරු කිරීම සහ එක්සත් ජාතීන්ගේ සංවිධානය නැවත පණ ගැන්වීම” යන්නයි.
ඉතාලි සංචාරයක නිරතවුණු අගමැතිවරයා තවම දිවයිනට පැමිණ නැත.
ජනාධිපතිවරයා හා අගමැතිවරයා රටින් පිටව සිටින අවස්ථාවේ රටේ සිටින ඊලඟ කථානායක වරයාය.