චතුර රුවන් වීරක්කොඩි –
කොවිඩ්-19 වෛරසයේ ඔමික්රෝන් ප්රභේදය ආසාදනය වීමෙන් සිදු වූ ලොව පළමු මරණය ඊයේ එංගලන්තයේ ලන්ඩන් අගනුවරින් වාර්තා විය.
එක්සත් රාජධානිය තුළ පළමු ඔමික්රෝන් ආසාදිතයාව හදුනාගනු ලැබුවේ නොවැම්බර් 27 වෙනිදා වන අතර ඉතා සීඝ්රයෙන් ලන්ඩන් අගනුවර තුළ එම ප්රභේදය පැතිරෙන්නට විය. ඉරිදා දිනය තුළ (12) වාර්තා වී ඇති ඔමික්රෝන් ආසාදිතයන් සංඛ්යාව පමණක් 1239 දෙනෙකි.
මේ වනවිට ලන්ඩන් නගරයේ සිටින ආසාදිතයන්ගෙන් 40%ක්ම ඔමික්රෝන් ප්රභේදය ආසාදනය වූවන් බව එරට සෞඛ්ය අමාත්ය සජිඩ් ජාවිද් ප්රකාශ කර තිබේ.
උත්සන්න වී තිබෙන තත්වය මත ප්රතිදේහ වර්ධනය සඳහා එන්නත් මාත්රා දෙකක් ප්රමාණවත් නොවන බව ඔක්ස්ෆර්ඩ් සරසවිය විසින් සනාථ කිරීමෙන් අනතුරුව, බූස්ටර් මාත්රාව කඩිනම් කරන බවත්, එක් දිනකට බෙදාහැරෙන එන්නත් මාත්රා සංඛ්යාව මිලියනයක් දක්වා ඉහළ දමන බවත් එරට අග්රාමාත්ය බොරිස් ජොන්සන් ප්රකාශ කර ඇත.
කෙසේ වෙතත් ඔමික්රෝන් ප්රභේදය බහුලව පැතිරෙන එංගලන්ත ප්රාන්තය තුළ දැඩි නීතිරීති පනවා ඇති බවට ආරංචි මාර්ග පවසයි.
