දිනසේන රතුගමගේ –
උතුරේ සමුපකාර සමිති වෙත අලෙවි කිරීම පිණිස ලබා දී ඇති සීනි කිලෝ 30000 ක් මිනිස් ආහාරයට නුසුදුසු බවට එම පළාත්වල මහජන සෞඛ්ය පරීක්ෂකවරු තීරණය කොට තිබේ.
එම තීරණයෙන් පසුව පාරිභෝගික ආරක්ෂක කමිටු කීපයක් මේ පිළිබඳව ධීවර අමාත්ය ඩග්ලස් දේවානන්දාට දැනුම් දීමෙන් පසුව අමාත්යවරයා එම සීනි ප්රශ්නයට පුද්ගලිකවම මැදිහත් වී එම සීනි තොගය ආපසු යැවීමට පියවර ගන්නා ලෙසට නිලධාරීන්ට උපදෙස් දී ඇත.
උතුරේ සමුපකාර සමීති වෙත සීනි කිලෝ ග්රෑම් 80000 ක් ලබා දි ඇති අතර ඉන් කිලෝ 30000 ක් යල් පැන ගිය සීනි වන අතර ඒවායෙහි දිලීරයක්ද වර්ධනය වී ඇති බවට තොරතුරු හෙළි වී තිබේ.
මෙම සීනි ලබා දී තිබුණේ පාරිභෝගිකයින්ට එක් කිලෝවක් රුපියල් 280 බැගින් අලෙවි කිරීම සදහාය.
ඉන්දියාවෙන් මීට වසර කීපයකට පෙර ආනයනය කරන ලද මෙම සීනි තොගය ගබඩාවල කාලයක් නිසි ප්රමිතියකින් තොරව ගබඩා කිරීම නිසා මේ තත්ත්වය උද්ගත වී ඇති බව මහජන සෞඛ්ය පරීක්ෂකවරු පෙන්වා දෙති.
උතුරේ සමුපකාර සමීති වෙත ලැබී ඇති මෙම නරක් වූ සීනි තොග වල සාම්පල් කීපයල් ලබා ගෙන සීනි තොගය ආපසු යැවීමට පියවර ගෙන තිබේ.
