ඊශ්රායලය ලෙබනන් අගනුවර වූ බීරූට් තදාසන්න ප්රදේශයේ හිස්බුල්ලා අණදෙන නිලධාරියෙක් ඉලක්ක කරගෙන අදත් ප්රහාරයක් එල්ල කර තිබිණි. ලෙබනන් සෞඛ්ය අමාත්යාංශය පවසන්නේ ප්රහාරයෙන් හය දෙනෙකු මිය ගිය බවයි. මිය ගිය පිරිස අතර ඉරාන පිටුබලය ලබන හිසබුල්ලා හමුදාවේ මිසයිල සහ රොකට් බලගණයේ අණදෙන නිලධාරියා වූ ඊබ්රාහිම් කුබයිසි මිය ගිය බවයි බව ඊශ්රයාල හමුදාව පවසයි.
ගාසා තීරයේ අමානුෂික ව්යසනය ඊශ්රායලය මේ වනවිට ලෙබනනය දෙසට හරවා තිබේ. දෙපාර්ශවය දේශසීමාවලට ඉහළින් රොකට් ප්රහාර එල්ල කරමින් සිටිති. මැදපෙරදිග මතු නොව, ලෝකයේ පාර්ශව සිවිල් යුද්දයකට කැඳවන ගැඹුරු ගැටුමක භීතිය පහලවෙමින් ඇත. ඊශ්රයාල හමුදා ප්රධානියා පවසන්නේ අඛණ්ඩ ක්රියාමාර්ග අවශ්ය බවය. හිස්බුල්ලා ඉලක්ක වෙත “පුළුල් ප්රහාර” එල්ල කරන බවය.
ඊශ්රායලය හිස්බුල්ලා ඉලක්ක වෙත අඛණ්ඩව ප්රහාර එල්ල කරන බව අගමැති බෙන්ජමින් නෙතන්යාහු සහතිකව ප්රකාශ කළේය. හිස්බුල්ලා නායක හසන් නස්රාල්ලාගේ ග්රහණයෙන් මිදෙන ලෙස ලෙබනන් පුරවැසියන්ගෙන් ඔහු ඉල්ලා සිටියේය.
“අපේ යුද්ධය ඔබ සමඟ නොවේ, අපගේ යුද්ධය හිස්බුල්ලා සමඟයි. නස්රල්ලා ඔබව අගාධයේ අද්දරට ගෙන යයි.. ඔබේ යහපත සඳහා නස්රල්ලාගේ ග්රහණයෙන් මිදෙන්න.” ඔහු කීවේය.
මේ වනවිට මැදපෙරදිග දැවැන්තම යුධ ශක්තිය සහිත ඊශ්රයාලය ලෙබනනට එරෙහි කුරිරු ප්රහාරයක් මුදා හරිමිනි. ලෙබනන් බලධාරීන් පැවසුවේ සඳුදා ගුවන් ප්රහාරවලින් පුද්ගලයින් 558 දෙනෙකු මිය ගොස් ඇති අතර, ඊට ළමුන් 50 ක් සහ කාන්තාවන් 94 ක් ඇතුළත් බවය.
තවත් 1,835 දෙනෙකු තුවාල ලබා ඇති අතර තවත් දස දහස් ගනනක් ආරක්ෂාව සඳහා පලා ගොස් ඇත.
දිගු ගැටුමකට වේදිකාව සකසමින්, හිස්බුල්ලා සංවිධානය ගාසා තීරයේ සටන් විරාමයක් ඇති කරන තුරු තමන් පසු නොයන බවට සපථ කර ඇත.
