ඊශ්රායලය අද (10) දින යේමනයට වෙත එල්ල කළ ප්රහාරයෙන් අවම වශයෙන් පුද්ගලයින් නව දෙනෙකු ජීවිතක්ෂයට පත් වී 118 දෙනෙක් තුවාල ලබා ඇති බව යේමනයේ සෙඛ්ය බලධාරීන් උපුටා දක්වමින් ජත්යාන්තර මාධ්ය වාර්තා කරයි.
හවුති කැරලිකරුවන් හා සම්බන්ධ ඉලක්කවලට පහර දුන් බව පවසමින් මෙම ප්රහාරය ඊශ්රයාලය විසින් එල්ල කර ඇත.
ගාසා යුද්ධය තේමා කරගෙන එල්ල කළ ඊශ්රායල ප්රහාරවලින් අද (10) දිනයේ පමණක් අවම වශයෙන් පලස්තීන ජාතිකයින් 53 දෙනෙකු මිය ගොස් තිබේ. ප්රචණ්ඩත්වයේ තර්ජනය යටතේ ඊශ්රායල හමුදා පලස්තීන ජනගහනය පලවා හැරීමට උත්සාහ කරන ගාසා නගරයේ දී පමණක් 38 දෙනෙක් ඝාතනය කර ඇත.
යුද්ධයේ අරමුණ “හමාස් පාලනය බිඳ දැමීම” බව ඊශ්රායල හමුදා මාණ්ඩලික ප්රධානී ඊයල් සමීර් පවසා තිබේ. ඊශ්රායලය පසුගිය මාසයේ පමණක් යේමනය ඇතුළු විදේශ රටවල් හයකට බෝම්බ හෙලා තිබේ.
“අපි දිගටම පහර දෙන්නෙමු. අපට පහර දෙන ඕනෑම අයෙකු, වෙත අපි ළඟා වන්නෙමු,” ඊශ්රයාල අගමැතිවරයා ලෝකයට තර්ජනය කර ඇත.
