වෛද්යවරුන්ගේ අමතර රාජකාරි සඳහා සිදුකරන ගෙවීම පිළිබඳව මතු වූ ගැටලුවට රජයෙනේ සාධනීය විසඳුමක් හිමි වූ බවත් රජයේ වෛද්ය නිලධාරින්ගේ සංගමය ඉල්ලා සිටි ඉල්ලීම ම ජනාධිපතිවරයා සිය අය වැය කථාවේ දී පාර්ලමේන්තුවට කී බවත් රජයේ වෛද්ය නිලධාරින්ගේ සංගමය පවසයි.
අද මාධ්ය හමුවක් කැඳවා රජයේ වෛද්ය නිලධාරීන්ගේ සංගමයේ සහකාර ලේකම් සහ මාධ්ය ප්රකාශක වෛද්ය චමිල් විජේසිංහ කීවේ මෙවැන්නකි.
.
අතිගරු ජනාධිපති අනුර කුමාර දිසානායකත් එක්ක රජයේ වෛද්ය නිලධාරීන්ගේ සංගමය විශේෂ සාකච්ඡාවක් පැවැත්තුවා පෙබරවාරි 27 වැනිදා. සෞඛ්ය අමාත්යවරයත් එක්කත් සාකච්ඡා කළා.”
“ප්රතිපත්තිමය වශයෙන් මේ 80/1 හා 20/ 1 කියන වටිනාකම වෛද්ය සේවයට ලබා දෙන්න කියලා අප ඉල්ලුවා. හැබැයි මේ මොහොතෙ දි වැටුපට ගෙවන්න පුලුවන් මොකක්ද කියලාත් අපි සාකච්ඡා කළා.
“ඉතින් අය – වැය 3වන වර කියැවීමේ දී පිළිතුරු කතාවෙදි අතිගරු ජනාධිපති තුමා එතුමන් කෙරෙහි තිබූ විශ්වාසය ඒ විදිහට ආරක්ෂා කරමින් අපි යෝජනා කළ යෝජනාවම ඒ විදිහටම පාර්ලිමේන්තුවේ දී ප්රකාශයට පත් කළා.”
“ඒක එක පැත්තකින් වෛද්යවරුන්ට සහ මේ රටේ වෛද්ය සේවාවට හිමි වටිනාකම නැවත ලබා දුන්න දිනයක්. ඒ නිසා වෛද්ය නිලධාරීන්ගේ සංගමය විදිහට මේ මොහොතේ දී අතිගරු ජනාධිපති අනුර කුමාර දිසානායක මැතිතුමාට අපගේ ගෞරවණීය ස්තුතිය පුද කරන්න කැමතියි. ” වෛද්ය චමිල් විජේසිංහ පැවසුවේය.
කෙසේ වෙතත් ජනාධිපති අනුර කුමාර දිසානායක පාර්ලිමේන්තුවේ දී වෛද්යවරුන් ඇතුළු සෞඛ්ය ක්ෂේත්රයේ ගැටලුව පිළිබඳ ප්රකාශ කළේ මෙවැන්නකි.
