ඉන්දියාව විසින් මේවන විට ඇෆ්ගනිස්ථානයේ ඇතිව තිබෙන තත්ත්වය සම්බන්ධයෙන් සිය දැඩි අවධානයයොමුකර ඇති බවත් ඇෆ්ගිනිස්ථානයට අවශ්ය සහය ලබාදීමට කැපවන බවත් අවධාරණය කරනු ලැබීය.
ඇෆ්ගනිස්ථානයේ වර්ථමාන මානව තත්ත්වය සම්බන්ධයෙන් ඉන්දියාව දැඩි කණස්සල්ලට පත්වෙන බවත් ඊට පිළිතුරක් ලෙස අවශ්ය මානුෂීය ආධාර ලබාදීමට ඉන්දියාව අඛණ්ඩව ඉදිරිපත් වන බවද එක්සත් ජාතීන්ගේ සංවිධානයේ ඉන්දීය නිත්ය නියෝජිත කාර්යාලයේ උපදේශකවරයෙකු ලෙස කටයුතු කරනු ලබන ආර්. මධු සුදාන් පැවසීය.
උපදේශකවරයා මේබව ප්රකාශ කර ඇත්තේ ජගත් සංවිධානයේ පැවති විශේෂ සැසිවාරයකට එක්වූ අවස්ථාවෙදීය. එහිදී සුදාන් පවසා සිටියේ ඉන්දියාව ඇෆ්ගනිස්ථාන ජනතාවගේ ඉල්ලීම මත මානුෂීය ආධාර මේවන විට යොමුකර ඇති බවත්ය.
ඇෆ්ගනිස්ථානය තුල යලිත් සාමය සහ සෞභාග්ය ඇති කිරීමට අවශ්ය සහය ලබාදීමට ඉන්දියාව තමන් හැකි ඕනෑම උපකාරයක් කිරීමට ඉදිරිපත් වන බවද හෙතෙම පැවසීය. මෙහිදී ඉන්දියාව විසින් ඇෆ්ගනිස්ථානයේ සියලුම ප්රාන්ත තුල සංවර්ධන වැඩසටහන් කිරීමට අවශ්ය සහය දීමට මේවන විටත් සිය අවධානය යොමුව ඇති බවද උපදේශකයා වැඩිදුරටත් ප්රකාශ කර තිබිණි.
ඇෆ්ගනිස්ථානයේ පාලන බලය තලේබාන් සංවිධානයට ඉකුත් වසරේදී වීමත් සමඟම එරට ආර්ථික හා සමාජීය තත්ත්වය දැඩි ලෙස පිරිහීමකට ලක්විය. එහිදී විදේශ ආධාර මත දැඩි ලෙස යැපුණු ඇෆ්ගන් ආර්ථිකය සම්පූර්ණුයෙන්ම පාහේ අඩුපන වූ අතර තලේබාන් සංවිධානයට තහංචි පැනවීමේ අරමුණින් ඇෆ්ගනිස්ථානයේ විදේශ වත්කම් වලටද තහනම් පැණවිනි
