ඉදිරියේ දී රට ඩිජිටල්කරණය හරහා ඉදිරියට ගමන් කරවීමට සිදුවන තත්ත්වයක් තුළ විගණකාධිපතිවරයා යනු ගණකාධිකරණය හා විගණනය පිළිබඳ දැනුමට එහා ගිය ගණිතය පරිගණක තාක්ෂණය පිළිබඳ ප්රමාණාත්මක දැනුමක් ඇති විද්යාත්මක චින්තනයක් සහිත නිර්මාණාත්මක පුද්ගලයෙක් විය යුතු වුව ද වර්තමානයේ විගණකාධිපති දෙපාර්තමේන්තුවේ සිටින ජ්යෙෂ්ඨයින් අතර එවැනි සුදුසුකම් සහිත පුද්ගලයන් නැති බව ශ්රී ලංකා විගණන සේවා සංගමය නිවේදනයක් නිකුත් කරමින් සඳහන් කරයි.
එම සංගමයේ සභාපති එච්.එම්.කේ. හේරත්ගේ අත්සනින් යුත් එම නිවේදනයේ දැක්වෙන්නේ ජාතික විගණන පනතේ ප්රතිපාදන අනුව විගණකාධිපතිවරයාගේ විෂය පථයට කාර්ය සාධන විගණන, පාරිසරික විගණන, තාක්ෂණික විගණන සහ වෝහාරික විගණන ඇතුළත්ව ඇතත්, 2024 වර්ෂය තුළ සිදුකර ඇත්තේ කාර්යසාධන විගණන 05 ක් හා විශේෂ විගණන 07 ක් පමණක් බවත්, තාක්ෂණික විගණන සහ වෝහාරික විගණන සඳහා අතවත් තබා නැති වීමට ප්රධාන හේතුව විගණකාධිපතිවරයා ප්රමුඛ විගණන කාර්ය මණ්ඩලයට ඒ පිළිබඳව විද්යාත්මක හා තාක්ෂණික ක්ෂේත්රයේ ඇති දැනුම හා කුසලතාවයේ ඌනතාවයත් බවය.
විගණකාධිපතිවරයා ඇතුළු සමස්ත විගණන කාර්ය මණ්ඩලයම විද්යාත්මක දැනුම පදනම් වූ නිර්මාණාත්මක කුසලතාවයන්ගෙන් පිරිපුන් පිරිසක් බවට පත් විය යුතු අවස්ථාවක නිර්මාණය වීමට නියමිත අනාගත අවස්ථා ගැන සලකා බලා ජනාධිපතිවරයා ඒ සඳහා සුදුසු කාර්යක්ෂම කැප කිරීම් සහිත සෘජු තීරණ ගැනීමේ හැකියාව ඇති විගණකාධිපතිවරයෙකු ලෙස එච්.කේ.පී. චන්දන නම් කළ ද ව්යවස්ථාදායක සභාව විසින් එකී කරුණ පිළිබඳ අධ්යයනයකින් තොරව ජනාධිපතිවරයාගේ යෝජනාව ප්රතික්ෂේප කිරීම තුළ අද වන විට විගණකාධිපති තනතුර හිස්ව වැඩ බලන තනතුරක් දක්වා පන්වීම ඉතාම කණගාටුදායක තත්ත්වයක් බව ශ්රී ලංකා විගණන සේවා සංගමය පවසයි.
පටු ආකල්ප වලින් හෙබි පුද්ගලයින් විසින් නම පෞද්ගලික අභිමථ උදෙසා විපක්ෂය හා එක්ව ව්යවස්ථාදායක සභාව හරහා හා පාර්ලිමේන්තුව හරහා විගණකාධිපති තනතුර දේශපාලනීකරණය කර විගණකාධිපති තනතුරේ ස්වාධීනත්වයට සිදු කරන ලද අගතිය සම්බන්ධව තමන්ගේ දැඩි කනස්සල්ල පල කරන බව ද එම නිවේදනයේ සඳහන් වේ.
එබැවින් මෙම තත්ත්වය නිවැරදිව කළමණාකරනය කර රාජ්ය මූල්ය පාලනය ශක්තිමත් කිරීම සඳහා කඩිනමින් විගණකාධිපති තනතුර පිරවීමට කටයුතු කරන ලෙසට අදාළ ව්යවස්ථාපිත ආයතන වෙත එම සංගමය බල කර සිටී.
පහත දැක්වෙන්නේ එම නිවේදනයයි.
