කීර්ති ප්රනාන්දු –
ඉදිරියේ දින කීපය තුළ එළවළු මිල සියයට සීයකින් ඉහළ යෑමේ ඉඩක් ඇති බව බඹුල්ල විශේෂිත ආර්ථික මධ්යස්ථානයේ කළමණාකාර ක්රිස්ට් විජේරත්න පැවසුවේය.
මේ වනවිට එළවළු දඹුල්ල විශේෂ ආර්ථික මධ්යස්ථානයට ලැබීම අඩුවී ඇතිවා සේම එළවළු මිලදී ගැනීමට වෙළෙඳ ප්රජාව ද අඩුවී ඇති වීමත් වෙළෙඳපල පද්ධතිය බිඳ වැටීමත් මේ වනවිට දක්නට ඇති තත්ත්වය බව කළමනාකාරවරයා කීවේය.
කාලගුණය යහපත් වීමත් සමග මේ තත්ත්වය නිවැරදි වනු ඇති නමුත් මෙවැනි අධික වර්ෂාවත් සමග විනාශ වී ඇති වගා බිම්වලින් අස්වැන්න නොලැබීම වෙළෙඳපලේ එළවළු හිඟයක් ඇති කිරීම තමන්ගේ අත් දැකීම බව ඔහු කීවේය.
” අදත් ඇතුළුව පසුගිය දින කීපය පුරාම එළවළු පළතුරු වෙළෙඳපලට ලැබීම සියයට 60ක් දක්වා පහළ ගිහින් තියනවා. ඒ වගේම මිලදී ගැනීම් කරන්න ව්යාපාරික මහත්වරු න්නෙත් නෑ . එකක් මාර්ග අවහිර වීම. අනෙක ගෙනගියත් විකුණා ගත නොහැකි විදිහට වෙළෙඳාම් පද්ධතිය බිඳ වැටීම. පොළවල් අසාර්ථකයි. විකුණන්න මාර්ග නෑ. සම්පූර්ණයෙන් බිඳ වැටිලා තියන මේ පද්ධතිය කාලගුණය නිවැරදි වීමත් සමග යථා තත්ත්වයට පත් වෙයි.”
“සාමාන්යයෙන් සුමානයක් එක දිගට වැස්සම එළවළු වගාවන් සම්පූර්ණයෙන් විනාශ වෙනවා. නව අස්වැන්න වෙළෙඳපලට එනකම් ඇතිවන එළවළු හිඟය නිසා මිල දෙගුණයක් පමණ වැඩිවීමේ අවදානමක් අපි දකිනවා.”
