ඇමරිකා එක්සත් ජනපදයේ රාජ්ය රහස් හෙළි කිරීමේ චෝදනා එල්ලවී ඇති, මේ වන විට රුසියාවට පළාගොස් සිටින එඩ්වර්ඩ් ස්නෝඩන් හට රැකවරණය ලබාදීම හේතුවෙන් ජීවිත තර්ජණවලට මුහුණ දීමට සිදුවූ ශ්රී ලංකික පවුලකට කැනඩාවේ රැකවරණය හිමිවී තිබේ.
ඒ අනුව සුපුන් තිලිණ, ඔහුගේ බිරිද නදීකා දිල්රුක්ෂි සහ ඔහුගේ දියණිය වන සෙතුමදී සහ පුතු දිනත් ඊයේ (28) කැනඩාවට පැමිණ ඇති අතර එහිදී ඔවුන්ට එහි සිය නව දිවිය ගතකිරීමට අවස්ථාව හිමිව ඇත.
ඉතා සංවේදී රාජ්ය රජ්ය රහස් හෙළි කිරීම හේතුවෙන් දැඩි ජීවිත තර්ජනයකට මුහුණ දුන් ස්නෝඩන් හට 2013 වර්ෂයේදී හොංකොන් හිදී සුපුන් ඇතුලු හත්දෙනෙකුගේ කණ්ඩායමක් ආහාර සහ රැකවරණය ලබාදී තිබේ.
මේත් සමඟ සුපුන් ඇතුලු අනෙක් පිරිසගේ ජීවිතවලට දැඩි තර්ජන එල්ලවීමට පටනක් ගෙන තිබූ අතර එහිදී ඔවුන්ට ආරක්ෂාව සැලසීමට කැනඩාවේ රාජ්ය නොවන සංවිධානයක් ඉදිරිපත් විය.
කෙසේ වෙතත් ස්නෝඩන් හට සත්කාර කළ තවත් ශ්රී ලංකිකයෙකු වූ අජිත් පුෂ්පකුමාර තවමත් හොංකොන් හී රැදී සිටින අතර සුපුන් සහ ඔහුගේ පවුලේ සාමාජිකයින්ට සරණක් වූ රාජ්ය නොවන සංවිධානය මේ වන විට පුෂ්පකුමාරද කැනඩාවට ගෙන්වා ගැනීමට කටයුතු කරමින් සිටින බව වාර්තා වේ.
මෙම ශ්රී ලංකිකයින් රැකවල් ලබාදුන් ස්නෝඩන්ට එරෙහිව අපරාධ චෝදනා ඇමරිකානු අධිකරණය ඉදිරියේ ගොනුවී ඇති අතර ඔහු මේවන විට රුසියාවේ පදිංචිව සිටියී. කෙසේ වෙතත් ඔහු හෙළි කළ තොරතුරු මගින් ඇමරිකානු රජය ඔත්ත් බැලූ කරණු රැසක් හෙළි විය.
