ඇමරිකානු තානාපති කාර්යාලය විසින් ඇමරිකාන් ජාතිකයන්ට ආරුගම්බේ ප්රදේශය සඳහා පනවා තිබූ සංචාරක සීමාවන් ඉවත් කළ බව කොළඹ අමෙරිකානු තානාපති කාර්යාලය අද (13) නිවේදනය කළේය.
ට්යිටර් පණිවිඩයක් නිකුත් කරමින් එම කාර්යාලය පැවසුවේ “කොළඹ එක්සත් ජනපද තානාපති කාර්යාලය 2024 ඔක්තෝම්බර් 23 දින ආරුගම් බොක්ක සඳහා නිකුත් කරන ලද සංචාරක සීමාවන් ඉවත් කර ඇත. ශ්රී ලංකාව සඳහා සංචාරක උපදේශනය සමාලෝචනය කිරීමට, සුපරීක්ෂාකාරීව සිටීමට, ඔබේ වටපිටාව පිළිබඳව දැනුවත් වීමට සහ පළාත් පාලන ආයතන වෙත සැක කටයුතු ක්රියාකාරකම් සහ හදිසි අවස්ථා වාර්තා කිරීමට සියලුම එක්සත් ජනපද පුරවැසියන් දිරිමත් කරයි.” ලෙසය.
අරුගම්බේ ප්රදේශයේ දී ඊශ්රායල සංචාරකයන් ඉලක්ක කරගෙන ප්රහාරයක් එල්ල විය හැකි බවට ප්රකාශිත අන්තර්ජාතික බුද්ධි තොරතුරක් මද පදනම්ව පසුගිය ඔක්තෝබර් 23 වනදා අමෙරිකානු තානාපති කාර්යාලය මගින් එම ප්රදේශය වෙත සිය පුරවැසියන්ට සංචාරක සීමාවන් පනවනු ලැබුවේය.
කෙසේ නමුත් එම සීමාවන් දැන් ඉවත්කර ඇති බැවින් ශ්රී ලංකාව සඳහා වූ සිය සංචාරක උපදේශනය යාවත්කාලීන කරන බවද අමෙරිකානු තානාපති කාර්යාලය වැඩිදුරටත් සඳහන් කළේය.
මෙම සංචාරක සීමාවන් පැනවීම ඉවත් කරගන්නා ලෙස ඊයේ ශ්රී ලංකා රජය ඇමරිකාවෙන් ඉල්ලා සිටියේ ආරක්ෂාව පිළිබඳ නිශ්චිත සාධාරණ තහවුරු කිරීමක් කර ඇති බව දන්වා සිටිමිනි.
