සියලුම කැබිනට් අමාත්යවරුන් සිය අමාත්ය ධුරවලින් ඉල්ලා අස්වීමේ ලිපි අගමැතිවරයා අතට භාර දුන් බව අමාත්ය දිනෙෂ් ගුණවර්ධන මාධ්යයට පවසා තිබේ.
කෙසේ වුවද පවතින අර්බුදය සම්බන්ධයෙන් නිශ්චිත අවසාන විසඳුමකට පැමිණීමට මෙතෙක් රජයේ වගකිව යුතු පාර්ශවයන්ට නොහැකිව ඇති බව පැවසෙන අතර අද (04) දිනයේදී යළිත් මේ සම්බන්ධයෙන් තවදුරටත් ජනාධිපතිවරයා සමඟ සාකච්ඡා කිරීමට නියමිත බව සඳහන් වේ.
මේ වනවිට නිර්මාණය වී ඇති ප්රබල මහජන විරෝධතා සහ ආර්ථික අර්බුදය හමුවේ ගත යුතු පියවර පිළිබඳව ඊයේ (03) ජනාධිපතිවරයා අගමැතිවරයා ඇතුළු රජයේ ප්රධානීන් දීර්ඝ වශයෙන් සාකච්ඡා කළ අතර එහිදී ගත් තීරණයක් වූයේ අගමැතිවරයා ඉවත් වී ඒ සමඟ අහෝසි වන අමාත්ය මණ්ඩලය වෙනුවට හෙට දිනයේදී නව අමාත්ය මණ්ඩලයක් පත් කිරීමටය.
මේ තීරණය සම්බන්ධයෙන් අගමැතිවරයාද එකඟව සිට ඇති අතර පසුව එය වෙනස් වුයේ අමාත්යවරුන් කිහිප දෙනකුම අගමැතිවරයාට ඉලලා අස් නොවන ලෙස ප්රතාශ කිරීම හේතුවෙනි.
කෙසේ වුවද පසුව නාමල් රාජපක්ෂ සහ අලි සබ්රි යන අමාත්යවරුන් ඉවත්ව ඇති අතර එහිදී ගත යුතු පියවර පිළිබදව සිදුවූ සාකච්ඡා අතර අමත්යවරුන් සියලු දෙනාද ඉල්ලා අස්වීමට එකඟත්වය පළ කර ඇති බබව සඳහන් වේ.
කෙසේ වුවද පවතින අර්බුදය හමුවේ තවමත් අවසන් විසඳුමක් පිළිබඳව නිගමනවලට පැමිණ නැති අතර යළිත් අද දිනයේ දී මේ පිළිබඳව සාකච්ඡා වනු ඇති බව එම ආරංචි මාර්ග සඳහන් කළේය.
