ශ්රියානි විජේසිිංහ –
සෞඛ්ය ඇමතිගේ බබා පාර්ට් එකට පිළිතුරු දීමට අද (11) දහවල් කොළඹ පැමිණි රජයේ වෛද්යවරුන්ගේ විරෝධතාවයක් හේතුවෙන් සෞඛ්ය අමාත්යාංශයේ සිට ටවුන් හෝල් දෙසට මාර්ගය අවහිර වී එම ප්රදේශයේ දැඩි රථවාහන තදබදයක් ඇති වී තිබිණි.
රජයේ වෛද්ය නිලධාරීන්ගේ සංගමය විසින් සංවිධානය කර තිබූ විරෝධතාවයට වෛද්යවරු විශාල පිරිසක් සම්බන්ධ වී සිටි අතර දැඩි ආරක්ෂාවක් ද යොදා තිබුණි.
මෙම විරෝධතාවය සම්බන්ධව රජයේ වෛද්ය නිලධාරීන්ගේ සංගමයේ ලේකම් වෛද්ය හරිත අලුත්ගේ ඊයේ රට දැනුම්වත් කළේය. ඔහු කීවේ දිගින් දිගටම රටට බොරු කළ සෞඛ්ය ඇමතිවරයා තමන් සමග පෙරේදා ( 09) පැවැත්වූ සාකච්ඡාවේ දීත් සුපුරුදු බබා පාර්ට් දැමීම නිසා 11 වැනිදාට වෛද්යවරුන් සිය පළමු වෙඩිමුරය පත්තු කරන බවය.
ඊයේ (10) ඇමතිවරයා හමුවී පැමිණි රජයේ වෛද්ය නිලධාරීන්ගේ සංගමයේ නියෝජිතයන් සමග සෞඛ්ය ඇමතිවරයා කළ සාකච්ඡාව සාරාංශ කරමින් පැවසුවේ රජයේ වෛද්ය නිලධාරීන්ගේ සංගමය ලෙස වෛද්යවරුන් රට හැරයාමට හේතුව සහ එයට ලබා දිය හැකි විසඳුම් මොනවාද යන්න පිලිබඳව යෝජනාවලියක් සති තුනකට පෙර ඇමතිවරයාට බාරදුන් නමුත් එම වාර්තාවන් 09 වනදා වන තෙක් සෞඛ්ය ඇමතිවරයා විසින් අධ්යයනය කර නොතිබුණ බවය.
වෛද්යවරුන්ට බලපාන මූල්ය ගැටලු විසඳීමට තමාට හැකියාවක් නොමැති බවත් ඒ පිලිබදව තමා මහා භාණ්ඩාගාරය දැනුවත් කර ඇති බවත් සෞඛ්ය ඇමතිවරයා මෙහිදී පවසා තිබේ. එමෙන්ම පර්යන්ත රෝහල් වැසී යාමේ අවදානමක් ඇති බව තමන් නොදන්නා බව ඇමතිවරයා පැවසුවේ යැයි ද රජයේ වෛද්ය නිලධාරීන්ගේ සංගමයේ ලේකම් වෛද්ය හරිත අලුත්ගේ මාධ්යයට කිවේය. .
වෛද්යවරුන්ට බලපාන ගැටලුව සම්බන්ධයෙන් විපක්ෂයේ පාරලිමේන්තු මනන්ත්රීවරුන්ට මනා දැනුමක් තිබෙන බවත් ඔවුන් සමස්ත වෛද්යවරුන් සම්බන්ධයෙන්ම පාර්ලිමේන්තුවේ සාකච්ඡා කළ නමුත් විෂය බාර ඇමතිවරයා වෛද්යවරුන්ට බලපාඇති ගැටලු සම්බන්ධයෙන් දැනුවත් නොවීමට ලැජ්ජාවට හේතුවක් බවත් ලේකම්වරයා පවසා සිටියේය.
ඒ අනුව ඇමතිගේ බබා පාර්ට්වලට උත්තර දෙන්නට අද වෛද්යවරු කොළඹ පැමිණ සිටියහ.
