දිනසේන රතුගමගේ –
යාපනයේ ක්රියාත්මක වූ ” ආවා කල්ලියේ ” ප්රධානියා බව කියන පුද්ගලයෙකු කැනඩාවේදී කැනේඩියානු පොලීසිය විසින් අද (8 ) අත් අඩංගුවට ගෙන තිබේ.
අජන්තන් සුබ්රමනියම් හෙවත් ප්රසන්න නල්ලලිංගම් නැමති මොහු 34 හැවිරිදි අයෙකු වන අතර මෙතෙක් උතුරේ සිදු වූ කප්පම් ගැනීම් කඩු වලින් කැපීම් තර්ජනය කිරීම් ආදී බොහෝ අපරාධ මොහුගේ මෙහෙයැවීම යටතේ සිදු වී ඇතැයි හෙළි වී තිබේ.
මොහු පිළිබදව මීට කාලයකට ඉහතදී පොලිස් මුලස්ථානය ජාත්යන්තර පොලීසියට තොරතුරු දැණුම් දී තිබියදී මෙම සැකකරු කැනඩාවේ දෙමළ පවුලකට තර්ජනය කොට මුදල් ඉල්ලීමේ සිද්ධියක් මත ඔවුන් විසින් කළ පැමිණිල්ලකට අත් අඩංගුවට පත්ව තිබේ.
මොහුගෙන් ප්රශ්න කිරීමේදී ඔහු ආවා කල්ලියේ ප්රධානියා බවට කැනේඩියානු පොලිසිය විසින් තොරතුරු හෙළි වී තිබේ.
මේ පුද්ගලයා 2021 වසරේදී යාපනයෙන් කැනඩාවට පලා ගොස් ඇති අතර 2022 වසරේදී කැනඩාවේ සිදු වූ මිනිස් ඝාතනයක් සම්බන්ධයෙන්ද එරට පොලීසියට අවශ්යව සිටි අයෙකු බව හෙළි වී තිබේ.
” ආවා කල්ලියේ ප්රධානියාට එරෙහිව යාපනයේ පොලීසි ගණනාවක පැමිණිලි 45 ක් පමණ ඇති අතර යාපනය අධිකරණය විසින් මොහුට අවස්ථා 9 කදී වරෙන්තුද නිකුත් කොට ඇත.
